Charter Document - 06110001
| Charter Number: | 06110001 |
|---|---|
| Cartulary Title: | Charters and Custumals of Shaftesbury Abbey, 1089-1216 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1089 |
| Date type: | Internal, A.D., Regnal |
| Resource Link(s): |
|
Charter:
Cum varii successores incognita veritate vetustatis causa sepe soleant statuta antecessorum suorum iniuste pervenere ego Willelmus rex Anglorum anno ab incarnatione domini millesimo octogesimo nono secundo anno mei imperii omnibus meis successoribus designo quoniam ego propter iusticiam et amorem Dei pro me et pro anima patris mei regis Willelmi et matris mee dono et concedo ecclesie sancte Marie et sancti Edwardi de Shaftesbury Eularia abbatissa superstite has terras subscriptas in elemosina bene et libere imperpetuum possidendas scilicet Chelmentunam quam dedit Serlo de Burci predicte ecclesie cum filia sua moniali et ij hidas de Foxelega quas dedit Rogerus de Bemhelai cum filia sua moniali et dimidiam hidam de Fernaan quam Eiulfus vicecomes tenuerat de terra predicte ecclesie et post tandem reddidit eam eidem ecclesie cum filia sua moniali in dominio possidendam et in Bremelega unam virgatam terre quam dedit Dunecan cum mia sua moniali et v virgatas terre de Selfant quas Alvredus pincerna dedit cum filia sua moniali + Signum Willelmi regis Anglorum + Signum Thome archiepiscopi + Signum Mauricii episcopi Lundoniensis + Signum Walchelini Wyntoniensis episcopi + Signum Johannis Batoniensis episcopi + Signum Roberti Castrensis episcopi + Signum Roberti Herefordensis episcopi + Signum Tursteni Glastingburiensis abbatis + Signum Gundr Roucestrensis episcopi + Signum Rainaldi Abhendunensis abbatis + Signum Willelmi Cerneliensis abbatis + Signum Radgeri abbatis de Monte Sancti Michaelis
Source (click image below to view full size)
