Charter Document - 06101078
| Charter Number: | 06101078 |
|---|---|
| Cartulary Title: | Innocent III, Regesta Supplementum [AD 1198-1215] [Rome] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1203 |
| Date type: | Internal, Papal |
| Resource Link(s): |
Reference Document for this Embedded Document |
Charter:
Innocent episcopus servus servorum Dei dilecto filio Joanni illustri regi Anglie salutem et apostolicam benedictionem Ad supplicationem instantem venerabilis fratris nostri archiepiscopi Ragusini eum a cura et a sollicitudine qua tenebatur Ecclesie Ragusine duximus absolvendum eo videlicet quod ibi non poterat secure morari et si accessum habet ad illam mortis sibi periculum imminebat Ne vero idem archiepiscopus in vituperium ministerii nostri defectum in temporalibus patiatur episcopatum Karleolensem et ecclesiam de Meleburn cum omnibus pertinentiis eorum de munificentia ac liberalitate tua ac concessione venerabilis fratris nostri Gaufridi Eborum archiepiscopi ei benigne collatis de sedis apostolica benignitate concedimus ad ipsius indigentiam subveniendum Serenitatem regiam monentes et hortantes quatenus eumdem archiepiscopum nostrarum precum obtentu et officii pontificalis intuitu recommendatum velis habere ejus necessitati compatiaris et ipsius subvenias paupertati et dona presentia per illustrem munificentiam reddatis ampliora ut per hec regi regum qui sacerdos est in eternum videaris obsequium exhibere cum illud quod ministris ejus impenditur sibi protestatur impendi Datum Ferent Idus Maii pontificatus nostri anno sexto
Source (click image below to view full size)
