Charter Document - 06100208
| Charter Number: | 06100208 |
|---|---|
| Cartulary Title: | Innocent III, Regesta Supplementum [AD 1198-1215] [Rome] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1215 |
| Date type: | Internal, Calendar, Papal |
| Resource Link(s): |
|
Charter:
Innocent episcopus servus servorum Dei dilectis filiis nobilibus viris magnatibus baronibus et militibus per Angliam constitutis salutem et apostolicam benedictionem Significavit nobis charissimus in Christo filius noster Joannes rex Anglorum illustris quod cum predecessores vestri scutagium de baronis quas tenetis ab eo regibus Anglie reddere consueverint ab antiquo ac etiam vos ipsi usque ad proxima tempora sibi noscimini reddidisse nunc scutagium ipsi debitum pro exercitu quem anno preterito in Pictaviam duxit eidem pro vestre voluntatis arbitrio reddere denegatis Ne igitur pium ipsius regis propositum occasione hujusmodi retardetur devotionem vestram monendam duximus attentius et hortandum per apostolica vobis scripta mandantes quatenus dictum scutagium eidem prout tenemini sine difficultate reddatis presertim cum possessiones sepe dictis scutagii quam predecessores sui ac ipse hactenus habuisse dicuntur non sit absque judicio spoliandus quandoquidem ipse in ejus possessione persistens paratus sit postulantibus justitiam exhibere Dat Lateran Kal Aprilis pontificatus nostri anno octavo decimo
Source (click image below to view full size)
