Charter Document - 06100198
| Charter Number: | 06100198 |
|---|---|
| Cartulary Title: | Innocent III, Regesta Supplementum [AD 1198-1215] [Rome] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1214 |
| Date type: | Assigned |
| Resource Link(s): |
|
Charter:
Innocent episcopus servus servorum Dei [] Venerabilis frater noster Joannes Norwicensis episcopus et dilectus filius noster Robertus Richardus de Marisco archidiaconus Northanhumbrie et nobiles viri Thomas de Hundintuna et Adam nuntii charissimi in Christo filii nostri Joannis regis Anglie illustris ex una parte magister Stephanus A et G clerici nuntii venerabilis fratris nostri Stephani Cantuariensis archiepiscopi ex altera parte in presentia nostra constituti asseruere concorditer et constanter quod pro evitando grandi rerum dispendio et gravi periculo animarum expediret quam plurimum tam regno quam sacerdotio ut sine dilatione relaxetur sententia interdicti Unde nos pro affectu paterno solliciti inter eos ad [omnium] salutem et utilitatem super his que pacis sunt cum illis tractavimus diligenter et tandem ipsis acquiescentibus formam invenimus et statuimus infra prescriptam Sane predictus rex tantam pecuniam archiepiscopo Cantuariensi Londinensi et Elyensi episcopus vel aliis quos ad hoc assignare voluerint faciat assignari computatis his que idem rex noscitur persolvisse quod summam impleat quadraginta millia marcarum Quibus solutis et cautione prestita inferius adnotata protinus sublato cujus libet appellationis et contradictionis obstaculo relaxes sententiam interdicti ac deinde singulis annis duodecim millia marcarum in duobus terminis in commemoratione videlicet Omnium Sanctorum sex millia marcarum et totidem in festo Dominice Ascensionis apud Ecclesiam Sancti Pauli Londinensis eisdem faciat exhiberi donec tota summa fuerit persoluta Ad hoc fideliter ex sequendum obligabit seipsum ipse rex per proprium juramentum et per litteras patentes sigillo suo munitas nec non per fidejussionem Wintoniensis et Norwicensis episcoporum Cestrensis et Wintoniensis et Willelmi Mariscalli comitum ita quod tam heredes ipsius regis quam successores eorum tenebuntur astricti Quocirca per apostolica tibi scripta precipiendo mandamus quatenus secundum formam prescriptam procedere non postponas nisi demeret libera voluntate partes aliter duxerint componendum Datum Lateran []
Source (click image below to view full size)
