Charter Document - 06100186
| Charter Number: | 06100186 |
|---|---|
| Cartulary Title: | Innocent III, Regesta Supplementum [AD 1198-1215] [Rome] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1214 |
| Date type: | Internal, Calendar, Papal |
| Resource Link(s): |
|
Charter:
Innocent episcopus servus servorum Dei charissimo in Christo filio Joanni illustri Anglorum regi salutem et apostolicam benedictionem Cum ex guerra que vertitur inter te et charissimum in Christo filium nostrum Philippum Francorum regem illustrem impediatur Terre Sancte succursus ad quem pro salute populi Christiani ardentissime aspiramus aliaque innumera timeantur ex ea pericula proventura nos apostolice sedis servitii debito provocati ad reformationem pacis intendimus interponere partes tibi ac prefato Francorum regi firmiter injungamus per censuram ecclesiasticam vos si necesse fuerit compellendo ut pro tot et tantis periculis evitandis treugas ineatis et observetis ad invicem saltem usque post generale concilium celebrandum rebus in eo statu manentibus in quo erunt cum ipse treuge a partibus firmabuntur Et duo mediatores pacis absque malitia eligantur qui fideliter interim tractent de concordia reformanda que si forte provenire non possunt nostro vos arbitrio committatis prestitus super his cautionibus quo discordiam sopiendam nos ipsi personaliter intendamus Quocirca serenitatem regiam rogamus monemus et exhortamur in Domino quatenus habita super his deliberatione prudenti nobis non differas per idoneum nuntium respondere Datum Rome apud Sanctam Petrum x Kalend Maii pontificatus nostri anno decimo septimo
Source (click image below to view full size)
