Charter Document - 06081055
| Charter Number: | 06081055 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1037 - 1048 |
| Date type: | Assigned |
| Resource Link(s): |
|
Charter:
Ego Malgerius gratia Dei archiepiscopus cum auctoritate pie matris ecclesie quam Deo volente guberno hanc descriptionem fieri ratam omnimodo exopto signum que sancte crucis subter ascribo et nomen meum ac nostrorum fidelium imprimi mando Quatinus ut decet sic firma et inviolata hec donatio perseveret quodsi aliquis huic dono quod absit et minime fore credimus contrarius extiterit his maledictionibus que subter describuntur subiciatur Maledictus sit ab omni potente Deo maledictione qua maledictus est diabolus et angeli eius in igne perpetuo Maledicat eum sancta Dei genetrix Maria nec habeat partem cum electis Dei positis ad dextram sed cum reprobis iure ponendis ad sinistram maledicat eum sanctus Michahel cum omnibus ordinibus angelorum Maledicat eum sanctus Iohannes baptista omnesque patriarche et prophete maledicat eum sanctus Petrus cum ceteris apostolis Maledicat eum sanctus Stephanus cum omnibus martyribus Maledicat eum sanctus Audoenus cum omnibus Christi confessoribus Maledicat eum sancta Agnes cum omnibus virginibus Omnis maledictio qua maledictus est Cain Dathan et Abiron Antiochus Herodes Pontius Pilatus Iudas domini traditor Nero Symon magus Dioclitianus Maximianus ac Datianus veniat super eum Sit pars illius cum omnibus iniquis in inferiori inferno ubi ignis non extinguitur nec vermis moritur Fiant dies eius pauci et mali Et in isto seculo ante oculos hominum pessime ac turpiter pereat et infuturo lucerna illius extinguatur et de libro vite nomen eius deleatur amen amen fiat + S Willelmi Ebroas episcopi + S Iohannis abbati sancte Trinitatis + S Hugonis Lisiacensis episcopi + S Willelmi Dou + S Rotberti Dou + S Gisleberti filii Lotemer + S Gumfridi dapiferi + S Rogerii filii Hunfridi + S Willelmi filii Osberni + S Rogerii Gomerei + S Rodulfi Taison + S Rodulfi filii Geraldi S Hugonis Gornai + S Lanberti filii Ricardi vicecomitis + S Hugonis Britonis + S Warnerii de Metante