Charter Document - 06080082
| Charter Number: | 06080082 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Memorandum, Freedom |
| Date: | 1090 - 1091 |
| Date type: | Assigned |
| Resource Link(s): |
|
Charter:
Noverint fratres nostri Maioris scilicet Monasterii monachi ecclesiam sancti Leonardi in Belismo sitam ita ab omni episcopali vel clericali sive laicali consuetudine liberam et solutam ut nullus christianus inea aliquam consuetudinem requirere possit Eodem namque anno quo Robertus de Belismo nobis eam dedit temptavit Girardus Sagiensis episcopus sue subieccioni sicut ceteras parrochianas ecclesias in suo episcopatu sitas subicere et ne eam secundum consuetudinem monachorum aptaremus prohibere Qua de re advenimus apud Sagium ad placitum et ostendit ibi dominus R de Belismo qui eam nobis dedit per privilegia et precepta ipsius ecclesie et per auctoritatem eorum qui eam ita solutam et quietam fecerunt ut nichil in ea episcopus haberet Similiter et de ecclesia sancti Martini veteris Belismi in qua requirebat sanguinem et infracturam definitum est ut inea preter censum et i libram piperis et libram turis nichil haberet Et hoc pro caritate non pro consuetudine Hi sunt testes qui interfuerunt R abbas de Sagio Hernulfus prior Wi[lelmus] de Vivonio Radulfus monachus de Belismo de clericis Raginaudus cantor Rotgerius Guielmus Hugo Godefridus Herbertus presibiter de laicis Masthelinus de Axe Ricardus de Rochella Rotbertus Quarrellus Evanus de Sagio Rotbertus Rufus Rainfredus et Aelelmus de Sagio Fulcherius de Sagio Radulfus de Rotomago