Charter Document - 06080063

Ioh[anne]s Dei gratia Rothom[agensis] archiepiscopus universis Christi fidelibus salutem gratiam et benedictionem Notum sit omnibus modernis et futuris quod petitio Rogerii de Mortuomari et uxoris eius Hadevise ad nos venit ad dominum Guillelmum regem Anglorum et ad me sedentes et tractantes de negociis ecclesiasticis et secularibus cum episcopis in quodam concilio congregato in urbe Rothomag[ensi] ut domnum Nicholaum abbatem sancti Aud[oeni] Rothom[agensis] cognatum nostrum obnixe conveniremus quatinus pro amore dei et nostri abbatiam fieri dimitteret de quodam prioratu de ecclesia sancti Victoris in Caleto in qua habitabant monachi sancti Audoeni que dicitur ad sanctum Victorem et quam ecclesiam quidam presbyter nomine Tormort de cuius iure erat ecclesie sancti Audoeni assensu Guillelmi tunc ducis Norm[annorum] et Malg[erii] archiepiscopi Rothom[agensis] et Rog[erii] de Mortuomari in cuius feodo erat pro salute anime sue dederat in elemosinam et in ecclesia sancti Aud[oeni] monachus effectus fuerat cum quodam nutritio suo nomine Gisleb[erto] Et prefatus Rog[erus] concessit ut tantum redditum augeret ecclesie sancti Victoris et ecclesie sancti Aud[oeni] ut honorifice ibi deo monachi servire possent et eis digne sufficeret et quale dominium antea habuerat ecclesia sancti Aud[oeni] in prioratu tale postea in abbatia eternaliter possideret Cum vero predictus abbas Nich[olaus] assensu capituli sui et rogatu nostro et amore Rog[erii] et uxori sue hoc concessisset Rad[ulfum] quendam monachum suum ibi abbatem preficiens ad supradictum locum construendum misit et cum eo de monachis suis sancti Aud[oeni] Fulbertum Gislebertum Fauvetel Herbertum Treton et Guillelmum Tali tamen conditione quod dominium suum sancti Aud[oeni] in domo sancti Victoris nullo modo minueretur sed ibi poneret abbatem alio defuncto sicut priorem ponere solebat salva dignitate sancti Aud[oeni] Hoc enim constitutum est ante nos ratum et firmum esse inperpetuum cuius rei testes sumus ex utraque parte Si enim in disponendo abbate monachi vel laici rebelles ecclesie sancti Aud[oeni] fuerint statuimus et firmiter precipimus Guill[elmus] rex et ego Ioh[annes] Roth[omagensis] archiepiscopus et Rog[erus] de Mortuomari in quorum presentia hoc fuit factum auctoritate domni pape Gregorii et regia potestate omnibus heredibus et successoribus nostris ut abbas sancti Aud[oeni] accipiat ecclesiam prioratus sui sancti Victoris cum omnibus appendiciis tunc ibi inventis in ecclesiis in decimis et aliis substanciis et ponat priorem in ecclesia illa sicut antea solet ne ecclesia sancti Aud[oeni] pro liberalitate sua detrimentum patiatur fraude et dolo quam antecessores nostri pro salute animarum suarum fundaverunt Hanc conventionem auctoritate nostra ab abbate Nich[olao] et Rog[er]o de Mortuomari concessam coram rege ratam esse statuimus et presentis scripti et sigilli nostri auctoritate confirmavimus et prohibuimus ego Ioh[anne]s Roth[omagensis] archiepiscopus sub anathemate nequis ulterius clericus vel laicus audeat hoc infringere presentibus istis episcopis et mecum excommunicantibus Gisleberto Ebroic[ensi] episcopo et Odone Baioc[ensi] Hug[one] Lux[oviensi] Roberto Sagiensi quorum anathemate omnes fractores huius operis consolidantur Prefatus autem rex Guill[elmus] Anglorum prohibuit sub forisfactura xx unciarum auri reddendarum duci Normann[ie] et xx librarum Ro[tho]m[agensi] archiepiscopo ne ab aliquo infringatur Testibus predictis episcopis et Fulberto archidiachono et Rogero de Mortuo mari in cuius tempore hoc auctum fuit anno ab incarnatione domini MLXXIIII