Charter Document - 06080062

In Nomine Sancte et Individue Trinitatis Expedit omnibus utriusque sexus fidelibus ut bonorum operum exercitiis adhibeant studium penitus dum in huius plorationis morantur vallibus ne presentis vite cursum transeant veluti pecora naturaliter facta prone atque ventri ceterisque carnis voluptatibus obedientia Taliter itaque huiuscemodi rem se habere sapientissimus legitur Salomon asseruisse prohibens carnales concupiscens sequi non debere Quin etiam beati Pauli erudimur vaticinatione miserabiliores nos omnibus hominibus foro si in hac vita tantummodo queramus decineri anchoram spei nostre Et quoniam racionis ordo quam superius prelibauimus tanta roboratur auctoritate dignum et iustum est ut caduci mundi postposita volubili felicitate bonorum operam levibus alis elevati studeamus indesinenter tendere ad infinitam claritatem gaudiorum celestis patrie ita digni tartareas penas evadere ut cum domino omnium creatore sempiterna perfrui mereamur iocunditate et requie Huiusmodi igitur studio et salutari laude dignum videtur insudari a minoribus personis et mediocribus cavendum est ne oblivioso negligentie tanti negotii effectus tradatur a regibus et a sancte ecclesie presulibus et rectoribus Quod ego Iohannes licet peccator indignus tamen sancte matris ecclesie Rotomagensis archiepiscopus perspiciens attinere salutaribus anime utilitatibus et fideliter credens ecclesiasticarum facultatum in terris cumulatores et auctores celicolarum consorcii fieri participes sub hac narrationes litterali volo presentium et futurorum perspicacitati caritatiue notam fieri quandam conventionem factam a me consilio canonicorum et ceterorum fidelium nostrorum cum domno abbate Willelmo et monachis cenobii sancti Dyonisii de quinque altaribus sitis in comitatu Vilcassini que constat esse in his eiusdem patrie villis videlicet in Sagiaco in Buxiaco in Cormeliis in Montegerulphi et in Ablegiis Hec igitur prefatarum villarum altaria me fateor et cognosco mente devota concessisse beati Dyonisii loco et fratribus sub unius persone missione perpetualiter habenda tamen talis tenoris imposita summa ut perdita aut mortua ipsa insta quatuor mensium terminum substituatur alia successoribus nostris viii librarum de denariis Rotomagensibus quantitate data monachusque sit eadem persona cum laude et assensione nostra semel in anno in Vilcassina synodo presentanda Pro huius ergo persone subrogatione mutua nulla diebus vite mee dabitur pecunia Post meum vero obitum redeat iuxta condictum denominata redemptio in manus nostrorum successorum Et ne huiusmodi facta pactio successuro futurorum temporum curriculo adnullari aut dampnati valeat quolibet versuto posterorum ingenio cartam notitie huius a me cum consilio archidiaconorum et canonicorum et ceterorum plurimorum fidelium roboratam prius nostre diocesi subiectorum episcoporum videlicet Hugonis Luxouiensis Gisleberti Ebroacensis Michelis Abrincensis tradidi deinceps confirmandam manibus Et ad omnes dubietate evacuandas penitus a mea parvitate rogatus sue auctoritatis munificentia confirmauit devotus princeps noster rex Willelmus cum regina uxore et filiis et pluribus curialibus aliis Quapropter ex auctoritate dei patris omnipotentis et omnium sanctorum eius atque nostra perpetualiter interdicimus ne hoc privilegium amodo unquam violare aut contradicere sue delere audeat et presumat aliquis utriusque sexus quantacumque dignitate preditus Quod si quis presumpserit agere perpetuo dampnetur anathemate tartareis penis addictus cum Iuda proditore nisi ad honorem beati Dyonisii satisfecerit legitima expiatus correctione Actum est hoc Rotomago anno ab Incarnatione domini MLXXI Indict[ione] VIIII regnante gloriosissimo Phylippo Francorum rege anno XIIII et Willelmo venerabili Normannorum principe Anglici regni sceptra tenente anno VI et in generali canonicorum capitulo confirmatum Igitur aliqua nomina eorum qui huiusmodi corroborationi interfuere subtus curauimus annotare iuxta ordinem quo provehebatur unusquisque Signum domni Iohannis archiepiscopi + S Hugonis Luxouiensis episcopi S Gisleberti Ebroacensis episcopi S Michelis Abrincensis episcopi S Atscelini decani + S Rotberti archidiaconi + S Goteri archidiaconi + S Gauzeleni archidiaconi + S Iohannis cantoris + S Gotberti sacerdotis + S Waldelini sacerdotis + S Hunfridi sacerdotis + S Landerici sacerdotis + S Eudonis decani + S Rotberti diaconi + S Bernardi diaconi + S Serici diaconi + S S S S S Richardi subdiaconi + S Richardi subdiaconi + S Fulberti subdiaconi + S Walterii acolythi + S Willelmi acolythi + S Benedicti acolythi + Ego Herimannus iussu Roberti archidiaconi Vilcassini relegi et subscripsi