Charter Document - 06080051

In nomine sancte et individue Trinitatis Robertus divina favente clemencia Normanorum dux item Robertus Rothomagensis sedis archiepiscopus cunctis fidelibus pacem et salutem omnem Si nos petitionibus servorum Dei iustis et rationabilibus exorabiles exhibemus maxime super his in quibus sancte matris ecclesie status indiget nostre serenitatis auxilio relevari confidimus Deo auctore regnum nostrum tranquilliori pace premuniri et nos superventure beatitudinis premia adipisci Proinde ex consultu fidelium nostrorum et maxime domini sacerdotum recensitis cartulis et annalibus preceptis anteriorum nostrorum placuit nobis res sancte ecclesie Rothomagensis que caput et metropolis est regni nostri eas nimirum que a quibuscumque fidelibus collecte atque roborate fuerant nostro iterum privilegio innovando confirmare ut si que occasione temporum aut incuria principum ex his male sublata aut immunita fortasse reperiantur nostre maiestatis auctoritate ad predictam matrem ecclesiam iuste revocentur Hec sunt igitur que privilegii nostri iure firmamus sub testimonio Christi et corporali presentia sanctorum confessorum Romani Audoeni Laudi Candidi quos nostri huius testimonii adiutores esse deposcimus et ultores de his esse precamur qui huic testamento contraire aut ex his aliquid ab usu fratrum inibi servientium subtrahere aut minuere temptaverit In pago Belvacensi Cramisicum et partem de terra in villa qui dicitur Mantatera In Vilcassino Francico villam unam que Vi vocatur In Vilcassino Normannico Nielfam et Hilboucort et Macerias de Teilet autem partem illam quam tenuit Radulfus et ecclesiam totam scilicet ecclesiam Descoz in eodem comitatu villam que Paniliosa vocatur aliam iterum que Travalliacus dicitur scilicet et dimidiam villam que Baschivilla vocatur et in Marculfi villa tres capitales hospites et duos dimidarios in Hulvilla c et v acras et in Culverti villa xii hospites cum ecclesia et in Cornella partem illam quam Voilborgis et soror sua ad hunc locum [habet] In eodem comitatu Amfridivillam et Fredisvillam quas Willelmus comes dedit triumphatis hostibus victor rediens cum quibus Cleidas et Lundinarias cum omnibus appendiciis suis que sunt in pago Talou et super Andellam iiii partes de Dovilla et partem unam de Betileto cum molendino preter unum alodium simili modo dimidium Ernoldi montis et Otelni montis et dimidium Putbou et tertiam partem Petre vallis In comitatu Talou ecclesiam de sancto Medardo et terram quam in Seiberti villa tenuit Levinus super fluvium Diepe sanctum Vedastum cum appendiciis suis et sanctum Salvium scilicet quam Iola dedit et Branchemoter cum ecclesia Culverti villam quam Rainardus dedit cum appendiciis suis de Dovrenc citeriorem partem cum Ansgerivilla et ecclesiam que in ulteriori aque ripa sita est In comitatu Calciaco Brittam villam quam Bernardus dedit et partem de althera Bretevilla et ii partes de Franchevilleta cum ecclesia duo quoque molendina iuxta murum que dedit Ricardus comes secundus In Oximensi comitatu Niciacum cum ecclesia et omnibus appendiciis suis In villa Oilliaco xxxiii mansos quos dedit Spireunagarus In prefato comitatu Talou illam partem alodii quam Richeldis et Papia filia ipsius in Euremou et presente Ricardo comite et illo auctorizante ad hanc ecclesiam donaverunt In Parisiaco pago super fluvium Maternam villam unam nomine Carentun Huius testamenti testes extant Robertus archipresul Robertus princeps qui hanc cartam fieri iussit et confirmavit qui et decimam denariorum suorum in vestimentis fratrum donavit Willelmus filius suus qui et paternum donum dono suo confirmavit Gislebertus comes Hugo episcopus