Charter Document - 06080048

Inter cetera apostolorum predicamenta quibus auctore Deo sancta mater ecclesia inter fluctus huius vite mortalis periculosaque naufragia ut star solis radiorum perseverat prefulgida vera karitas et fraterna compassio maxime per ecclesiasticum ordinem ut voce et opere predicetur oportet Unde et apostolus necessarios alimonie sumptus a fratribus suscipiens istius compassionis fonte animatus ait Vos bene fecistis communicantes necessitatibus meis Et in alio loco Si compatimur et conregnabimus Et iterum Alter alterius honera portate et sic adimplebitis legem Christi His atque aliis sanctorum patrum eruditionibus fretus In nomine sancte et individue Trinitatis Hugo non meis exigentibus meritis sed gratia preveniente redemptoris Rotomagensis archiepiscopus notum fieri volo omnibus coepiscopis nostris presbiteris diaconibus seu cunctis utriusque ordinis clericorum scilicet ac monachorum tam presentibus scilicet quam futuris per ventura tempora succedentibus qualiter Walo sancti Vincentii levite et martiris necnon et egregii presulis Germani Parisiorum tutoris cenobio abbas ceterorumque monachorum ipsius loci senatus nostram serenitatem adierunt humiliter deprecantes ut ob amore Dei omnipotentis et sancte Marie eius genitricis simulque prenominatorum Vincentii et Germani et ut memoria nostra ac successorum nostrorum in eorum loco perpetualiter habeatur quoddam altare in honore beati Geldardi dedicatum in pago Vilcasino et in potestate Longa Axia eis inperpetuum possidendum concederemus quod ita et fecimus archidiacono nostro Onorato ex cuius ministerio est assensum prebente eo videlicet ordine ut nunquam amplius nobis seu posterioribus nostris aliquid debitum seu servitium persolvant nisi tantum synodum et circadam sed absque ulla inquietudine alicuius metropolitani seu archidiaconi ab hodierna die et deinceps monachi Deo inibi famulantes prefatum altare cum ecclesia et quicquid ad eum pertinere videtur secure teneant atque possideant Et ut hec descriptio maiorem per tempora obtineat vigorem coram sancta synodo manu propria eam subter firmauimus manibusque archidiaconorum nostrorum ceterorumque clericorum illic residentium corroborandam tradidimus Si quis autem quod futurum non credo post mortem nostram aut metropolitanus nostro loco succedens seu archidiaconus vel aliqua persona contra hoc scriptum surgens infringere conaverit sciat se ex auctoritate patris et filii et spiritus sancti et sanctorum patrum necnon et ex ministerio nostro excommunicatum sitque ei anathema maranatha nisi resipverit et ad emendationem seu satisfactionem ante corpus sancti Germani cuius dominio tradita est penitendo confugerit Eo quidem rationis tenore ne unquam in beneficio cuilibet tribuatur persone sed tantum victui vel vestitui fratrum inibi Deo militantium perpetualiter deputetur Hugo archiepiscopus firmavit ac manu propria corroboravit S Robertus archiepiscopus S Honoratus archidiaconus S Hugonis levite S Acardi sacerdotis S Geraldi sacerdotis S Frotmundi sacerdotis S Durandi sacerdotis S Waremberti sacerdotis S Benedicti sacerdotis S Heriberti sacerdotis S Roderici sacerdotis S Ebbonis levite S Godeverti levite S Walberti S Ivonis Item S Ivonis S Henrici S Werifredi S Milonis S Epponis S Widonis S Heldigeri S Walonis S Radulfi S Odonis