Charter Document - 06080042
| Charter Number: | 06080042 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1046 - 1054 |
| Date type: | Assigned |
| Resource Link(s): |
eCartae - Actes des évêques d'Évreux |
Charter:
Fratribus in Christo sit pax famulantibus almo priscorum patrum exigit auctoritas ut ob spem letificandi ac remunerandi animas nostras ex propriis facultatibus matres honoremus ecclesias Quod ego Willelmus Dei precepto commonitus Dei dispositione dispositus Ebrocassire civitatis ecclesie episcopus ob memoriam patris mei Gerardi et animarum fratrum meorum requiem meeque videlicet anime remunerationem medietatem terre quam in Bethencort in meo dominio teneo Fontanelle monasterio beati Petri sanctique Wandreg[isili] honori consecrato ad victum monachorum inibi famulantium Deo perpetualiter habendam trado Et preter hanc predictam medietatem aquam cum molendinis et pratis separatam et absque ullius partitione vel admixtione absolutam eidem Fontanellensi cenobio exhibeo Quendam vero francum hominem nomine Dodemannum cum sua terra in franca voce predicto loco advexo Dominum meum Willelmum Arcentium comitem hanc cartulam confirmantem proprio signo huic beneficio voce et corde mecum accumulo S + Willelmi episcopi S + Alberti S + Willelmi comitis Archiacensis S + Gilleberti Lannomis S + Gonfredi S Ingeranni