Charter Document - 06080011
| Charter Number: | 06080011 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1020 - 1030 |
| Date type: | Assigned |
| Resource Link(s): |
|
Charter:
Divine Scripture Nobis ad Paradisi sedem de qua per primi parentis lapsum decidimus remeandi iter ostendunt quatinus dum vivimus bona operari studeamus Et ex his que nobis Dei omnipotentis miseratio bonis contulit suorum fidelium indigentiam relevare non onerosum sit Namque ibi thesauros nostros recondere iubemur ubi erugo et tinea que demoliri eos possint penitus non inveniuntur Quod tunc denique fit cum ex bonis a Deo nobis attributis pauperum inopiam reficimus aut ecclesiis Dei ea perpetim possidenda contradimus Quod ego Hugo Baiocassine urbis episcopus et Rodulfi quondam comitis filius mentis industria revoluens et presentis seculi gloriam si pro ea eterna vita neglegitur non nisi ad nostrum interitum pro futuram considerans notum volo fore tam presentibus quam futuris quod quidam meus miles vehementer michi carissimus nomine Rodulfus cuncta moderantis Dei motus instinctu spretis secularibus pompis monachilem habitum Gemmetico suscepit Qui postea me adgressus petiit ut quandam terram quam in seculo positus ex meo iure hereditario tenuerat tam pro mee anime compendio quam pro innumeris sui obsequii laboribus Deo sanctoque Petro cui se devoverat contraderem Que terra vulgo vocitatur Rovrensis prope Auture fluvium sita Cuius petitionibus libenter aurem accommodans cum integritate eam tam in ecclesia quam in silvis terris quoque cultis et incultis ad usus servorum Dei sancto Petro in Gemmetico solutam ac liberam a cunctis secularibus legibus tradidi possidendam Dedi etiam Auture fluvium et transitum eius liberum a teloneo tam de propriis rebus quam de omnibus suis hominibus per illud commeantibus a confinio vallis usque ad terminum ville que Fontanas dicitur Pro qua re a monachis loci illius equum unum magni pretii accepi Quam vero donationem si furiosus quisquam diabolice nequitie veneno tumens quoquo conamine ausu temerario infringere presumpserit pontificali anathemate excommunicatus persistat et a sanctorum omnium cetu semotus cum illis dampnetur qui dixerunt domino recede a nobis scientiam viarum tuarum nolumus Et sicut Dathan et Abiron viventes terra obsorbuit sic gehennalibus averni cruciatibus perenniter multetur cum diabolo urendus Et ut hec cuncta perpetim firma permaneant manu propria subterfirmavi meisque fidelibus hec eadem firmanda tradidi Signum Hugonis Baiocassine urbis episcopi Signum Tedoldi capellani eius Signum Herberti militis Signum Rainaldi de Gratapantia Signum Grentonis