Charter Document - 06080010
| Charter Number: | 06080010 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1120 |
| Date type: | Internal, A.D., Papal, Regnal |
| Resource Link(s): |
|
Charter:
Cum tota monastice sanctionis devotio et omnis religiose professionis conversatio pontificalibus semper sit studiis adiuvanda cura sollicitudinis est adhibenda ut ea que Deo inspirante a fidelibus viris pro salute anime religiosis monasteriis pro sustentatione servorum dei collata sunt nulla deinceps illicite usurpationis molestia turbentur nulla improbitate violentur Ego igitur Turgisius Dei gratia Abrincensium pontifex licet immeritus huius rei gratia incitatus et catholice religionis amore succensus Deo et ecclesie beati Martini M[aioris] m[onasterii] et fratribus ibidem Deo servientibus cunctaque in nostro episcopatu obtinent concedo et litteris nostris auctoritate sigilli nostri roboratis perpetuo iure possidenda confirmo ecclesiam videlicet sancte Marie de Moritonio ecclesiam sancte Marie de Rumaniaco ecclesiam sancti Petri de Bione ecclesiam sancti Brictii de Landellis et universa que predicti monachi possident prenominatis ecclesiis pertinentia Huius concessionis et auctoramenti existunt testes Robertus archidiaconus Fulcherius archidiaconus Rogerius de Lingueuria capellanus episcopi item Herveus thesaurarius sancti Andree Alexander magister scolarum Acta sunt hec anno ab incarnatione Domini millesimo centesimo vigesimo epacta nulla indictione XIIII domino nostro papa Kalixto sacrosancte Romane ecclesie presidente Ludovico regni Francorum gubernacula tenente Henrico rege Anglorum et duce Normannorum regnante