Charter Document - 06080005

Anno ab incarnatione Domini millesimo LXI Rannulfus abbas Montis sancti Michaelis vir cautus in regimine tam cleri et populi quam monachilis ordinis convenit Iohannem venerabilem Abrincarum pontificem super quibusdam gravaminibus que fiebant a ministris episcopalibus frequentissime super clerum et populum Montis Cogebantur enim venire Abrincas ad respondendum de quacunque accusatione contra Christianitatem nec excusare poterat eos mare insurgens nec Britonum insidie quia preveniri ac previderi poterant et ita sepe in forisfacta et emendationes episcopales incidebant et sepe iuramentis fatigabantur Propter predicta sibi habenda in Monte obtulit abbas episcopo de suo competentur per singulos annos scilicet unam pelliciam grisiam que tam nobilem et tam sublimem personam deceret cum gratia recipere et abbatem Montis honorifice dare Et tres libras incensi et tres libras piperis et sex tabulas cere de ix ponderibus et tres cereos in purificatione sancte Marie Unum scilicet albe cere unius ponderis ad manus episcopi duos alterius cere unius ponderis ad decani et thesaurarii manus Episcopus vero prefatus ut erat animo et genere nobilis petitioni abbatis annuit et archidiaconum suum in Monte eum fecit Ita tamen ut quod bene non faceret vel non posset episcopus corrigeret Abrincensis et ecclesiastico iuditio terminaret De coniugiis autem illicitis si qui legales testes procederent apud episcopum audirentur et per sacramentum ipsorum lege dissolueretur quod contra legem presumptum erat De criminalibus culpis venirent ad iuditium et sententiam episcopi penitentes confessi vel convicti coram suo archidiacono et excommunicati ab episcopo ad satisfactionem et eius absolutionem venirent Iuditium ferri igniti et aque ferventis Abrincas portabitur a Montanis Presbiteri ipsi si lapsi in culpam degradationis forte inuenirentur quia ad episcopum pertinet ordinatio ad eius iudicium pertinet degradatio suspensio vero officii pro levioribus culpis in abbatis iuditium est ad correptionem Talis inter episcopum et abbatem de villa Montis facta est conuentio In monasterio vero sancti Michelis in abbatem et monachos et xii canonicos totum ius episcopale retinuit episcopus In monasterio habet officium facere dedicationis vesperas precedentis diei cantabit et missam in die dedicationis et quicquid interim offeretur ad altare episcopi est Et quod offertur ad manus eius capellanorum suorum Et ipse et omnes qui cum eo venerint habundanter et honorifice debent procurari Et equis aqua dulcis et cetera necessaria de monasterio inveniri Eo die debet esse presto pellicia prefata episcopi Et cera et piper et incensum cerei tres ad purificationem sancte Marie Etiam si episcopus defuerit abbas cum duobus de canonicis bis in anno debet esse ad synodum nisi licentia episcopi remanserit et sacerdotes Montis Quotiens etiam graviores cause emerserint episcopo mandabit abbati et vocabit eum et venire debet nisi inevitabilem et legalem excusationem pretenderit Nec communicabit excommunicato episcopi scienter nec excommunicabit nominatim aliquem parochianum episcopi extra Montem consistentem inconsulto episcopo Monachi v feria Pentecostes venient Abrincas cum capite sancti Auberti ad ecclesiam sancti Andree in qua ipse sedit episcopus cum processione magna tam clericorum quam laicorum omnium qui domos tenent et denariatas cere matrici ecclesie debent ut sedi episcopali de qua recipiunt consilium animarum et abbas per se vel per decanum suum oleum et crisma recipiet ad erogandum presbiteris ad Christianitatem faciendam Canonici omnes sub episcopo proprie sunt et canonicas id est prebendas cum vacue fuerint distribuere debet sicut dignum decreverit Beatus enim Aubertus cui divino munere Mons ille collatus est eos instituit et de suo episcopio ecclesie quam construxit duas villas Icium scilicet et Genecium ad usum suum et illorum contulit gallice Huisnes et Genets