Charter Document - 06080001
| Charter Number: | 06080001 |
|---|---|
| Cartulary Title: | The Norman Episcopate. 898 - 1110. Volume 2. Norman Episcopal Acta. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1032 - 1048 |
| Date type: | Assigned |
| Resource Link(s): |
|
Charter:
Novimus fidelium moris esse ut quicumque eorum Dei actus inspiratione qui operatur in omnibus et velle et perficere pro bona voluntate heredem sanctam Dei ecclesiam possessionum suarum vel rerum sui iuris volverint facere inde testamentum componant litterale manus proprie signatum subscriptione Qua propter et ego Hugo Abrincatensis civitatis gratia Dei episcopus notum esse volo tam presentibus quam futuris omnibus quia decimam medie insule que dicitur Greneroi michi a domno abbate Suppone concessam dum ad vixero possidere eo tenore ac ratione ut post excessum meum eam sancto Michaeli sibique famulantibus absque ullius successoris mei episcopi vel parentis aut heredis contradictione restituerem Hanc inquam decimationem et exitus ecclesiarum terramque unius carruce et quicquid a predicto patre acceperam archangelo Michaeli et monachis meis fratribus et filiis uti prefixum est postquam terrestris domus mea huius habitationis fuerit soluta absque ulla contradictione reddo quatinus edificationem habeam a Deo domum non manu factam eternam in celis Quicunque ergo huic rei contraire sive successor seu parens aut heres noster conatus fuerit et aliquid harum rerum sancti Michaelis que possedi usurpare sine voluntate monachorum voluerit a me et a presentibus fidelibus omni maledictionis genere anathematizatus et a sancta Dei ecclesia proiectus cum Dathan et Abiron habeat sortem in penis infernalibus Ut vero hoc scriptum inviolabiliter firmiterque teneatur manus mee subscriptione roboravi et circumsedentibus firmandum tradidi