Charter Document - 06060110
| Charter Number: | 06060110 |
|---|---|
| Cartulary Title: | The Calverley Charters |
| Charter Language: | French |
| Charter Origin: | Lay |
| Charter Type(s): | Grant |
| Date: | 1314 |
| Date type: | Internal, Regnal, Feast |
| Resource Link(s): |
|
Charter:
Sachent touz ceux qi sount ore et qi sount a venir qi jeo Simon Warde chivaler seignur de Gyvendale ay graunte et done et par cest chartre conferme a Johan Lescot de Calverlay et a Johane sa femme une annuele Rent de dieuz mars issaunt de mes molines de Gyselay a dieuz termes del an cest asavoyr a la Pentecoust et a la fest de Seyn Martin en Yver par heule porciones A tenir et aver a les vaundys Johan et Johane pur tut lur vye de moy et de mes heirs saunz chalange ou countredist de nuly E si ensi seit que le vaundist Rent de dieuz mars seit en arer a nule terme qi i lyt a le vaundist Johan et Johane ou a lur certeine attourne entrer le molines et destreindre le feres du molines et la destresce tenyr jekes a taunt qi i soyent pleinement peye del vaundy Rent E jeo le vaundy Simon et mes heirs le vaundy Rent de dieuz mars com avaunt est dist a le vaundys Johan et Johane pur tut lur vye warenteroms et defendroms encountre tut gentz En temoignaunce de cest cheose a cest present chartre ay jeo mys mon seal Don a Gyvendale le Samady prochein devaunt la fest des Aposteles Seintz Simon et Seintz Jude lan du nostre seignur le Roy Edward fiz le Roy Edward oytisme Ceux temoignes Sires Williame de Stoppeham Richard le Walays William de Bestone Johan de Thornhille chivalers Richard de Tange Wauter de Haukeswrth Simon de Brame e autres
Source (click image below to view full size)
