Charter Document - 06060073
| Charter Number: | 06060073 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1304 |
| Date type: | Assigned |
| Resource Link(s): |
|
Charter:
Sciant omnes presentes et futuri quod ego Johannes Touneslouerd de Podesay dedi concessi et hac presenti carta mea confirmavi Johanni Scot de Calverley et heredibus suis vel suis assignatis quatuor solidos annui redditus percipiendos de quodam tenemento meo in Podesay quod vocatur Arousmithrode in quibuscunque manibus predictum tenementum devenerit videlicet medietatem ad festum Sancti Martini in Ieme et aliam medietatem ad Pentecosten et si aliquid predicti annui redditus quatuor solidorum aretro fuerit terminis prenominatis quod absit volo et concedo quod dictus Johannes super predicta tenementa possit distringere in quibuscunque manibus devenerint quousque predictus redditus plenarie solvatur Tenendos et habendos dicto Johanni et heredibus vel suis assignatis de dominis feodi libere quiete integre bene et pacifice in perpetuum Et ego Johannes Touneslouerd et heredes mei vel assignati dictum annuum redditum quatuor solidorum dicto Johanni et heredibus suis vel suis assignatis contra omnes homines warantizabimus aquietabimus et defendemus inperpetuum In cujus rei testimonium presenti carte sigillum meum apposui Hiis testibus Johanne de Podesey clerico Johanne de Oulecotes Roberto filio Simonis de Podesey Petro de Selby Johanne filio Simonis de Pudesey et multis aliis
Source (click image below to view full size)
