Charter Document - 06060072
| Charter Number: | 06060072 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1304 |
| Date type: | Internal, A.D. |
| Resource Link(s): |
|
Charter:
Omnibus hoc scriptum cyrograffatum visuris vel audituris Johannes filius Willelmi Touneslouerd de Podesey salutem in Domino Noveritis me concessisse et ad terminum dimississe Johanni Scot de Calverley undecim solidatos annui redditus percipendos de tenementis meis in villa de Podesey videlicet de tenemento quod Johannes filius Simonis de Podesey et Walterus Lambe tenent in eadem pro quadam summa pecunie quam idem Johannes mihi dedit premanibus Habendos et tenendos predicto Johanni heredibus et assignatis suis a festo Pentecostes Anno Domini M trecentessimo quarto usque ad terminum undecim annorum proximo subsequentium plene completorum ad duos anni terminos per equales portiones recipiendos Videlicet medietatem ad Pentecosten et aliam medietatem ad festum Sancti Martini in Ieme Et si dictus annuus redditus retineatur ultra terminum predictum vel retardetur ego Johannes filius predicti Willelmi concedo pro me et heredibus meis quod Johannes predictus quotiescunque sibi placuerit posset omnia tenementa illa distringere in cujuscunque manibus devenerint donec dicti undecim solidati plene solvantur Et post undecim annos plene finitos dictus annuus redditus proveniens de tenementis predictis predicto Johanni [Townslord] heredibus et assignatis suis sine contradictione mei Johannis [Scot] heredum meorum vel alterius nomine nostro plenarie revertetur Et ego Johannes [Townslord] et heredes mei totum dictum redditum prefato Johanni [Scot] heredibus et assignatis suis usque ad finem termini predicti contra omnes homines warantizabimus acquietabimus et defendemus In cujus rei testimonium hiis scriptis indentatis sigilla nostra apposuimus Hiis testibus Magistro Hugone de Wodehalle Johanne de Oulecotes Johanne de Podesay clerico Roberti filio Simonis de Podesay Henrico de Manigham et aliis quamplurimis
Source (click image below to view full size)
