Charter Document - 06060068
| Charter Number: | 06060068 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1304 |
| Date type: | Assigned |
| Resource Link(s): |
|
Charter:
Sciant presentes et futuri quod ego Hugo de Wodhal dedi concessi et hac presenti carta mea confirmavi Johanni Scot de Calverley et heredibus suis vel assignatis tres solidos anui redditus quos solebam accipere de una bovata terre quam Henricus le Harpur solebat tenere in villa cum omnibus serviciis et commodis predicte terre et predicto redditui pertinentibus una cum redditu quinque denariorum quos solebam accipere de Rogero Noel et Matilde uxore sua pro omne terra et reditu quod tenuerunt in villa de Calverley et Wodhal cum omnibus serviciis et commodis predicte terre et predicto redditui spectantibus videlicet cum homagiis wardis releviis que mihi vel meis in aliquo tempore contingere potuerunt Tenendum et habendum sibi et heredibus suis seu assignatis libere quiete bene et in pace Et ego Hugo [et] heredes mei predicto Johanni et heredibus suis vel assignatis totum predictum redditum cum omnibus serviciis et commodis predicto redditui spectantibus contra omnes homines warantizabimus et in perpetuum defendemus In hujus testimonium huic scripto sigillum meum apposui Hiis testibus Ricardo de Tonge Willelmo de Bolling Willelmo de Lewintorp Johanne de Wodehal Johanne de Pudessey clerico Roberto fillio Simonis de Pudessey et aliis
Source (click image below to view full size)
