Charter Document - 06060058
| Charter Number: | 06060058 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Lease, Exchange |
| Date: | 1261 |
| Date type: | Internal, A.D., Feast |
| Resource Link(s): |
|
Charter:
Anno gratie Domini MCCLX primo ad festum Sancti Martini facta fuit hec conventio inter Johannem filium Willelmi Scoticy de Calverlay ex una parte et Simonem clericum de Ottel[ay] ex alia videlicet quod dictus Johannes concessit et dimisit dicto Simoni redditum duorum solidorum annuatim percipiendorum in villa de Calverley de tofto cum edificio et crofto que fuerunt quondam Hugonis Bercarii Tenendum et habendum dicto Simoni et heredibus vel assignatis suis usque terminum quinque annorum plenarie completorum libere quiete pacifice in escambium pro domo quam dictus Simon habuit ad firma[m] usque tale terminum de Willelmo Scotico patre dicti Johannis sciendum est quod licebit dicto Simoni quociens necesse fuerit distringere tenentes dicti tenementi pro firma sua sibi debita tam ipse quam sui heredes vel assignati absque contradictione sui vel heredum suorum Et si contingat quod tenentes illius tenementi paupertate fuerint oppressi vel quod terra in manu dicti Johannis redierit idem Johannes obligavit se fide et sacramento pro se et heredibus suis quod de dicta firma duorum solidorum dicto Simoni et heredibus suis vel assignatis plenarie satisfaciet de anno in annum usque terminum transactum ipse siquidem Johannes et heredes sui predictum redditum dicto Simoni et heredibus vel assignatis suis in omnibus et contra omnes warentizabunt usque terminum predictum In cujus rei testimonium uterque parti alterius sigillum suum apposuit Hiis testibus Jordano de Wdhalle Philippo de Fersel[ey] Roberto le Harpur Jordano Fullone Petro de Selleston et aliis
Source (click image below to view full size)
