Charter Document - 06060055

Omnibus Christi fidelibus hoc scriptum visuris vel audituris Nigellus filius Hugonis de Horseford salutem in Domino Noverit universitas vestra me dedisse concessisse et hoc presenti scripto confirmasse Henrico de Kirkeby unum assartum quod vocatur Vest Serelrode sicut jacet in longitudine et latitudine in campo de Roudun et buttat super Herodes ex parte australi et super Wistaynklif ex parte orientali tenendum et habendum dicto Henrico et heredibus suis vel assignatis de me et heredibus meis vel assignatis libere quiete bene et in pace cum omnibus pertinenciis communis et aysiamentis tante terre infra Villam de Roudun et extra spectantibus usque ad terminum decem et octo annorum plenarie completorum pro tribus marcis argenti quas dedit mihi premanibus termino incipiente ad festum Sancti Martini in hyeme anno Domini MCC octuagesimo secundo reddendo inde annuatim mihi et heredibus meis sex denarios scilicet medietatem ad Pentecosten et aliam ad festum Sancti Martini in hyeme pro omni servicio seculari secta exactione et demanda salvo forinseco servicio domini quantum pertinet ad tale assartum ejusdem feodi Et ad finem termini si predictus Nigellus vel heredes sui tres marcas argenti qua hora dicto Henrico et heredibus suis vel assignatis persolvant dictum assartum predicto Nigello et heredibus suis vel assignatis sine aliqua causa vel impedimento vel contradictione alicujus dicti Henrici vel heredum seu assignatorum revertetur Et predictus Nigellus et heredes sui vel assignati predictum assartum dicto Henrico et heredibus suis pro firma prenominata usque ad terminum prenominatum contra omnes homines et feminas warantizabunt acquietabunt et defendent In cujus rei testimonium presenti scripto sigillum suum apposuit Hiis testibus Domino Simone Ward milite Waltero de Heukeswrd Nicholao de Hopertun Henrico Schoto de Hopertun Matheo de Brame Roberto Vilayn Johanne Germin Hugone de Berwick Thoma de Holines Ricardo de Folyfayt et aliis