Charter Document - 06060051

Omnibus Christi fidelibus presentes litteras inspecturis Nigellus filius Roberti de Plumton eternam in domino salutem Noveritis me dedisse [] Deo et Sancto Leonardo de Esschald et monialibus ibidem Deo servientibus cum corpore meo totam terram meam cum prato et bosco infra essarta que vocantur Eholm Strangford et Aldredrode in territorio de Ydel dedi etiam eisdem monialibus pasturam in bosco meo de Ydel ad triginta duos boves et ad viginti vaccas cum uno tauro concessi etiam eisdem monialibus habere sexaginta porcos quolibet anno in bosco meo de Idel quiete et sine panagio concessi etiam eisdem monialibus siccum boscum in bosco meo de Ydel per visum forestarii mei ad ardendum in omnibus officiis suis apud Esscald Tenendum et habendum prenominatam terram dictis monialibus cum predictis pastura et pessone et sicco bosco cum omnibus pertinentiis libertatibus et aysyamentis tante terre spectantibus in Ydel in liberam puram et perpetuam elemosinam adeo libere et quiete pure et solute sicut aliqua elemosina aliquibus religiosis liberius possit dari absque omni servicio et seculari exactione ad faciendum inde omnimodo commodum suum secundum quod melius viderint eis expedire concessi etiam eisdem monialibus prenominatam terram edificare infossare essartare pro voluntate sua quum voluerint Et ego Nigellus et heredes mei prenominatam terram cum pastura pessone et sicco bosco et omnibus pertinentiis suis predictis monialibus ubique warantizabimus et acquietabimus et defendemus in perpetuum Et pro ista concessione et donatione concesserunt dicte moniales invenire quemdam capellanum celebrantem in perpetuum pro salute anime mee antecessorum et successorum meorum Et si aliquo tempore cessaverint de dicta celebratione licebit michi et heredibus prenominatum feodum distringere donec reddeant ad predictam celebrationem In cujus rei testimonium presenti scripto sigillum meum apposui Hiis testibus Domino N Ward Domino Symone Ward Elia de Wytechyrche Willelmo Scoto de Calverley et aliis