Charter Document - 06060044

Anno incarnationis Domini MCCL quarto ad festum Sancti Martini in hyeme facta est hec conventio duratura usque ad terminum xx annorum completorum inter Willelmum Scotum de Calverlay ex una parte et Johannem Capelanum de eadem ex alia scilicet quod predictus Willelmus Scotus dimisit et concessit predicto Johanni Capellano vel cui assignare voluerit exceptis Judeis et viris religiosis unum essartum in terittorio de Calverlay quod vocatur Tomasrode cum pertinentiis sine retenemento illud scilicet quod Ricardus Ob quondam tenuit et totam terram de cornario ejusdem essarti et pertendit usque ad rivulum de Ecleshil in longitudine et ex alia parte super terram Radulphi de Arzintona et Ricardi Dod ex alia et buttat super fosam de Bozemes Tenendum et habendum sibi et heredibus suis vel assignatis suis et exceptis viris prenominatis libere quiete et bene in pace cum omnibus libertatibus communis et asiamentis infra villam de Calverlay et extra tante terre pertinentibus solvendo inde annuatim dicto Willelmo et heredibus suis tres solidos argenti et sex denarios pro omnibus serviciis scilicet medietatem ad Pentecohten et aliam medietatem ad festum Sancti Martini Predictus Willelmus et heredes sui predictam terram usque ad dictum terminum xx annorum warantizabunt quo elapso dicta terra de predicto Johanne et de suis heredibus dicto Willelmo et suis heredibus quieta soluta remeabit In hujus rei testimonium uterque istorum huic scripto sigillum suum apposuit Hiis testibus Willelmo filio W Scoti Domino Henrico vicario Filippo de Fersel[ay] Roberto p[erson]a Johanne clerico Galfrido de Calverlay Simone de Viridi Roberto de Suiglintona et multis aliis