Charter Document - 06060043
| Charter Number: | 06060043 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Lease |
| Date: | 1246 |
| Date type: | Internal, A.D., Feast |
| Resource Link(s): |
|
Charter:
Anno Incarnationis Domini MCCXLVI ad festum Sancti Martini usque ad terminum decem et novem annorum completorum duratura facta est hec conventio inter Johannem filium Roberti Clerici de Kalverlay ex una parte et Willelmum Scottum de Kalverlay ex altera parte scilicet quod predictus Johannes dimisit et concessit predicto Willelmo Scotto totam terram suam cum pertinenciis sine retenemento in Rothelay pro xxx solidis quos ei dedit premanibus Tenendum et habendum predicto Villelmo et suis assignatis libere quiete pacifice cum omnibus libertatibus communis et aysiamentis dicte terre pertinentibus usque ad prescriptum terminum Reddendo annuatim pro terra monacorum videlicet pro tribus acris monachis de Kircstal xii denarios scilicet ad festum Sancti Martini medietatem et aliam medietatem ad Pentecosten pro omni servicio usque ad terminum decem et novem annorum completorum et ad finem dicti termini predicta terra cum pertinentiis quieta et soluta a dicto Villelmo et suis assignatis predicto Johanni et heredibus suis integre remeabit In hujus rei testimonium presens scriptum sigillorum suorum appositione partes roboraverunt Hiis testibus Domino Johanne de Vridlesforht Domino Johanne de Tornil Henrico Scotto Rogero Alano Stephano de Eclesil Roberto de Barestun Willelmo Clerico Ricardo de Roudon et aliis
Source (click image below to view full size)
