Charter Document - 06060041

Anno Gratie Domini MCCL nono ad festum Sancti Martini facta fuit hec conventio inter Willelmum Scoticum de Calverl[ey] ex una parte et Simonem clericum de Ottel[ey] ex altera videlicet quod dictus Willelmus dimisit et concessit dicto Simoni et heredibus vel assignatis suis exceptis viris religiosis Judeis et capitalibus dominis domum cum curtilagio et gardino et grangia quam Thomas de Roudona prius tenuit de dicto Willelmo ad firmam cum communibus et aysiamentis spectantibus ville de Calverl[ey] usque terminum septem annorum plenarie completorum Reddendo inde annuatim dicto Willelmo et heredibus suis unum denarium infra natale Domini pro omni servicio preterea concessit et dimisit idem Willelmus eidem Simoni et heredibus vel assignatis medietatem illius assarti quod vocatur le Crakerode et medietatem illius assarti quod jacet inter le Blakesik et Paurodesik et ambuttat versus aquam usque terminum trium annorum ut inde tres vesturas recipiat una cum prato quod vocatur Paurodheng et pro predictis tali conditione optinendis dedit dictus Simon dicto Willelmo premanibus sexdecim solidos Predictus vero Willelmus et heredes sui warantizabunt omnia predicta ut prenotatum est dicto Simoni et suis heredibus vel assignatis exceptis viris prescriptis in omnibus et contra omnes et adquietabunt et defendent In fine vero termini dimittet dictus Simon dicta edificia in consimili statu quo ea reccpit in principio hujus conditionis et terminis transactis omnia predicta dicto Willelmo et suis heredibus in pace revertentur In cujus rei testimonium uterque parti alterius sigillum suum apposuit Hiis testibus Rogero Kirkeman Petro de Sellestona Willelmo de Wath Ada de Ferschel[ey] Johanne Fullone Galfrido Luvecoc Simone de Grene et aliis multis