Charter Document - 06060034
| Charter Number: | 06060034 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1250 |
| Date type: | Assigned |
| Resource Link(s): |
|
Charter:
Sciant presentes et futuri quod ego Radulphus filius Bernardi de Calverl[ey] dedi concessi et hac mea carta confirmavi W fabro de Drtlingtona et heredibus suis pro homagio et servicio suo quandam partem messuagii mei illam scilicet que jacet inter rivulum juxta domum Ricardi [garcionis] mei in austro et sepem que ducit a fornace mea usque ad pontem petracium et tres acras tere jacentes inter assartum Roberti filii Rogeri [de Wodhal] in austro et le Kilnegroft in aquilone et totam teram que ducit a furno meo usque ad rivulum predictum sicut novum fossatum ducit in occidente Tenendum et habendum sibi et heredibus suis in feodo et hereditate libere quiete cum omnibus libertatibus communis et aysiamentis tante tere pertinentibus Reddendo inde annuatim mihi vel assignatis meis octo denarios ad iiij terminos scilicet unum denarium ad Pasca[m] et tres denarios ad Pentecosten et i denarium ad festum Sancti Michaelis et tres denarios ad festum Sancti Martini Et ego Radulphus et heredes mei warantizabimus predictas teras dicto W et heredibus suis de se et Matillide uxore sua genitis contra omnes homines inperpetuum In hujus rei testimonium huic scripto sigillum meum apposui Hiis testibus W Scoto Filippo de F[erselay] Roberto P[erson]a Johanne de Bradeford Ada Scoto Jordano de Wudehal Roberto de Suiglingtona Willelmo de Ulecotes Rogero Alano Johanne clerico et aliis multis
Source (click image below to view full size)
