Charter Document - 06060030
| Charter Number: | 06060030 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1260 |
| Date type: | Assigned |
| Resource Link(s): |
|
Charter:
Omnibus hoc scriptum visuris vel audituris Simon de Ottel[ey] clericus salutem in Domino sempiternam Noveritis ita convenisse inter me ex una parte et Willelmum Scoticum de Calverl[ey] ex alia quod si ipse Willelmus in vita sua vel heredes sui post ejus disscessum voluerint a me redimere reditum quindecim solidorum quem dictus Willelmus mihi dedit in libero maritagio cum Alicia filia sua dabunt mihi integre novem marcas bone et legalis monete ut ille redditus predictus eis redeat et imperpetuum hereditarie remaneat sine ulla conditione mei vel heredum meorum vel aliquorum ex parte mea Quod si aliquo tempore huic conditioni adquiescere contempsero cum dictus Willelmus vel heredes sui in dicta solutione novem marcarum facienda mihi fuerint parati licebit vicecomiti Ebor qui pro tempore fuerit potestate sua propria me de dicto reditu desaysiare et dictum Willelmum vel heredes suos in plenam saysinam ponere absque aliquo precepto domini regis salva mihi solutione predictarum novem marcarum et ad hanc conditionem ratificandam huic scripto sigillum meum apposui Hiis testibus Domino Henrico vicario de Cauuerl[ey] Domino Alexandro tunc capellano suo Johanne de Batel[ey] Johanne Scoto Jordano de Wdhal Galfrido Luvecoc de Cauverl[ey] et aliis multis
Source (click image below to view full size)
