Charter Document - 06060028
| Charter Number: | 06060028 |
|---|---|
| Cartulary Title: | The Calverley Charters |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1246 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus Scotus de Calvirl[ay] dedi concessi et hac mea carta confirmavi Ricardo filio Ricardi Hyngram de Notingham pro homagio suo et servicio in maritagio cum Johanna filia mea duas bovatas terre cum pertinentiis in Calvirl[ay] videlicet illas quas Jordanus le Bonde et Willelmus le Bonde quondam tenuerunt excepto essarto quod pertinet bovate predicti Willelmi et triginta acras terre in les Bothemis et septem acras terre in les Fordales Tenendum et habendum sibi et heredibus suis quos genuerit ex predicta Johanna de me et heredibus meis in feodo et hereditate libere quiete pacifice cum omnibus libertatibus communis et aisiamentis dictis terris pertinentibus infra villam de Calvirl[ay] et extra Reddendo inde annuatim mihi et heredibus meis septem denarios argenti scilicet ad Pentecosten pro omni servicio salvo forinseco servicio quantum pertinet ad duas bovatas terre in Calverl[ay] Ego vero Willelmus et heredes mei predictas terras cum pertinentiis predicto Ricardo et heredibus suis quos ex predicta Johanna genuerit ubique warantizabimus adquietabimus et contra omnes homines defendemus in perpetuum In hujus rei testimonium presentem cartam sigilli mei appositione roboravi Hiis testibus Domino Johanne de Thornil Ricardo de Tanga Thoma Edne Hugone de Horseforth Henrico Scotto Willelmo clerico Waltero de Haulay Ricardo de Ledis Radulpho de Arthingtun Rogero Alano et aliis
Source (click image below to view full size)
