Charter Document - 06059050

Cum inter Cancellarium et scolares Uniuersitatis Oxonie ex una parte et maiorem et burgenses eiusdem uille ex altera diuerse contenciones et exacciones super quibusdam grauaminibus et contumeliis hinc inde illatis mote fuissent tandem coram ipso domino rege et eius consilio ad parliamentum suum post Pascha anno regni sui videlicet regni regis Edwardi filii regis Henrici decimo octauo in presencia Cancellarii et quorundam magistrorum predicte Uniuersitatis plenariam potestatem habencium et etiam maioris et burgensium eiusdem uille mutuo consenciencium contentiones et contumelie quecumque hinc inde illate usque festum sancti Iohannis ante Portam Latinam concedente et consenciente ipso domino rege in hunc modum conquieuerunt uidelicet quod omnes exacciones et demande quas predicti Cancellarius et scolares habuerunt uel habere poterunt uersus predictos maiorem et burgenses et etiam quas iidem maior et burgenses habuerunt uel habere poterunt uersus predictos Cancellarium et scolares quoquo modo quacumque occasione quarumcumque transgressionum usque diem predictum hinc inde factarum quiete et integre remittantur irritentur et adnullentur Sed quia domino regi et eius consilio visum est quod per composicionem seu concordiam predictam nulla persona singularis ab accione personali occasione transgressionis sibi personaliter illate possit vel debeat excludi concessum est et prouisum bona fide hinc inde quod nec predictus Cancellarius aut scolares nec predicti maior aut burgenses alicui conqueri se volenti occasione alicuius transgressionis ante concordiam predictam sibi illate auxilium nec consilium exhibebunt aut iuuamen uel aliquo modo sustentabunt in placito illo prosequendo defendendo aut in aliquibus placitum illud tangentibus Et si forte contingat querelam aliquam temporibus retroactis factam coram Cancellario Uniuersitatis predicte innouari iidem Cancellarius et scolares pro se et cancellariis imposterum succedentibus bona fide promiserunt quod fauorem maiorem aut graciam seu sustentacionem clerico quam laico cuiuscumque fuerint condicionis non impendent immo iuris ordine obseruato nullo habito respectu ad personam quamcumque in querela illa rite procedant et debitum et festinum utrique parti faciant iusticie complementum Et ad istam concordiam et etiam perpetuam pacem et firmam inter predictas partes decetero obseruandam predicti maior et burgenses firmiter et bona fide promiserunt quod omnes libertates et liberas consuetudines quas predicti Cancellarius et scolares habent per cartas et concessiones domini regis et progenitorum suorum et etiam omnes alias consuetudines quibus iidem Cancellarius et scolares racionabiliter usi sunt bene et firmiter tenebunt et fideliter teneri facient decetero sine aliqua contradiccione Et quia uisum fuit eisdem maiori et burgensibus quod predicti Cancellarius et scolares quibusdam consuetudinibus in cartis domini regis et progenitorum suorum sibi factis abutuntur et quibusdam uti nituntur que in cartis suis non continentur et que in exheredacionem ipsius domini regis corone et dignitatis sue lesionem manifeste redundunt iidem maior et burgenses quosdam articulos subscriptos ipsi domino regi porrexerunt supplicantes ut auditis articulis illis et intellectis in presencia tam ipsorum maioris et burgensium quam predictorum Cancellarii et scolarium debitum et perpetuum apponat remedium et quibus articulis prout patet inferius cuique singulariter per ipsum dominum regem et consilium suum est responsum perpetuo duraturum In primis ubi predicti maior et burgenses queruntur quod cum per cartas domini regis Cancellario et Uniuersitati predicte factas et concessas quatuor Aldermanni et octo burgenses iurati sint et associati maiori et balliuis ad pacem domini regis obseruandam et ad malefactores arrestandos et de nocte vagabundos et iidem tales contra pacem domini regis attachient et arrestent predictus Cancellarius pro voluntate sua eos facit deliberate et preterea ipsos aldermannos et balliuos et alios quoscumque manus inicientes in huiusmodi malefactores citari facit coram eo ita quod per sentenciam uel imprisonamentum ipsos redimat pro sua voluntate Ad quem articulum per dominum regem est responsam quod idem dominus rex vult et concedit quod Cancellarius Uniuersitatis predicte qui pro tempore fuerit habeat cogniciones quarumcumque transgressionum infra predictam villam factarum ubi clericus fuerit una parcium exceptis placitis de morte hominis et de mahemio et vult quod de balliuis ipsius domini regis cognoscat qui aliter se gerunt in officio suo quam facere debent et si iidem balliui per Cancellarium se senciant grauatos veniant ad curiam regis et ibidem iusticiam habebunt et hoc concedit dominus Rex uniuersitati predicte pro voluntate sua Ad hoc eciam quod predicti burgenses queruntur quod cum in carta domini regis contineatur quod non liceat aliquibus regratoribus aliqua victualia infra villam Oxonie vel extra ad eandem villam veniencia emere ante horam nonam et si fecerint quod victualia illa sic empta sint forisfacta et amissa predictus Cancellarius forisfacturam illam et amerciamenta inde proueniencia sibi appropriat et usurpat super dominum regem et balliuos suos ad graue dampnum et deterioracionem firme sue ville de Oxonia Ad quod respondit dominus rex et vult quod Cancellarius et maior in villa Oxonie et Cancellarius et vicecomes domini regis Oxon extra villam Oxonie qui pro tempore fuerint de forstallatoribus illis habeant cognicionem ita quod res forisfacte de assensu Cancellarii et maioris infra villam Oxonie et etiam de assensu Cancellarii et vicecomitis extra villam Oxonie dentur hospitali sancti Iohannis extra portam orientalem et per uisum eorundem in elemosinam ipsius domini regis et hoc concedit dominus rex pro sua voluntate Ad hoc eciam quod predicti maior et burgenses queruntur quod cum in carta domini regis contineatur quod si laicus clerico transgrediatur et pro transgressione illa prisone committatur quousque per consideracionem Cancellarii clerico suo leso satisfaciat quod Cancellarius laicum ilium sic imprisonatum redimit ita grauiter quod fere destruitur quicumque fuerit et preterea laicum sic imprisonatum per obligacionem sic ligat et etiam per obligacionem pecunie soluende si extunc transgrediatur quod multi de villa illa destruuntur et exheredantur Ad quod dominus rex vult et respondit quod Cancellarius qui pro tempore fuerit faciat facere emendaciones racionabiles tam de laicis quam de clericis conuictis coram eo de transgressione et quod capiat hinc inde per obligacionem seu alio modo sicut racionabiliter hucusque fieri consueuit securitatem sufficientem [] Ad hoc eciam quod predicti maior et burgenses queruntur quod cum in carta domini regis contineatur quod balliui ville predicte iuramentum suum facere debent in loco communi predicti Cancellarius et scolares venire faciant balliuos illos coram eis ad ecclesiam beate Marie et ibi aliud iuramentum de eis capiunt et iurare faciunt quod iuramentum illud tenebunt pro se et heredibus suis et familia sua nec permittunt illos in iuramento illo faciendo excipere fidem in qua domino regi tenentur et per idem iuramentum eis iniungunt quod remedium eis non perquirent in curia domini regis vel per eius consilium in hiis que ipsos Cancellarium et Uniuersitatem contingunt Ad quod dominus rex prohibet quod burgenses predicti coram predicto Cancellario aliquod iuramentum aliter non faciant nisi salua fide domini regis et quod decetero non iurent quod conqueri se non debeant in curia domini regis de transgressionibus sibi factis si necesse fuerit set dominus rex vult bene quod iuramentum Aldermannorum et eciam octo et quinquaginta hominum ville predicte decetero fiat sicut fieri consueuit ita quod predicti burgenses non iurent nisi pro se ipsis et preceptum est maiori quod decetero scire faciat Cancellario quod sit ad iuramentum faciendum de burgensibus supradictis secundum tenorem carte domini regis Ad hoc eciam quod predicti maior et burgenses queruntur quod cum forisfacture emende et amerciamenta de carnibus et piscibus putridis et incompetentibus pertineant domino regi et balliuis suis predicte ville in quorumcumque mercatorum eiusdem ville seu aliorum manibus inueniantur predicti Cancellarius et scolares per procuratores suos Uniuersitatis predicte sibi forisfactas emendas et amerciamenta illa appropriant sine waranto ut creditur ad graue dampnum regis et firmariorum suorum eiusdem ville Ad quod dominus rex vult et precipit quod neque Cancellarius neque maior forisfacturas emendas vel amerciamenta talia percipiat set precipit et vult quod si tales carnes et pisces emantur et inde fiat querimonia quod Cancellarius et maior coniunctim inde habeant cognicionem et si res empta putrida vel incompetens inueniatur reddatur emptori pecunia sua quam pro ea dedit et forisfactura et amerciamenta per ipsos Cancellarium et maiorem adiudicentur et per eos liberentur Priori hospitalis sancti Iohannis predicti de dono domini regis ad suam voluntatem [] Ad hoc eciam quod predicti maior et burgenses queruntur quod cum per cartam domini regis non conceduntur alique libertates aliis in predicta villa quam scolaribus Uniuersitatis predicte ville et illi scolares sint exempli a communitate predicta ad respondendum coram eis vel simul cum ipsis de aliquibus rebus ipsum dominum regem vel communitatem predictam tangentibus predicti Cancellarius et scolares per procurators suos alios sibi appropriant et qui non sunt scolares ut cissores barbatores scriptores parcaminarios et huiusmodi qui non sunt de iurisdiccione sua et qui habent in eadem villa uxores familiam et mercandisas suas et hoc ad graue dampnum domini regis et firmariorum suorum Ad quod per predictum Cancellarium et magistros et eliam per predictos maiorem et burgenses unanimiter est concordatum quod decetero nullus gaudeat libertatibus seu priuilegiis Uniuersitatis predicte nisi clerici et eorum familia et seruientes percamenarii luminarii scriptores barbatores et alii homines de officio qui sunt de robis ipsorum clericorum et si mercandisis aliquibus se intromittant sint talliabiles simul cum burgensibus Ad hoc etiam quod predicti maior et burgenses queruntur quod ubi ipsi solebant tenementa sua in predicta uilla tradere et dimittere ad firmam pro voluntate sua ad sustentacionem suam et puerorum suorum predicti Cancellarius et scolares non permittunt eos tenementa sua ad terminum breuiorem tradere quam ad terminum trium annorum ad graue dampnum communitatis predicte Ad quod dominus rex vult et precipit quod predicti burgenses non impediantur per predictos Cancellarium et scolares et procuratores suos quin tenementa sua dare vendere possint et ad firmam dimittere prout sibi viderint expedire ita tamen quod fraus collusio seu conuentio non fiat per quod clerici de hospitentur vel eorum hospicia fiant cariora et eciam quod clerici hospicia sua primo locata non dimittant contra consuetudinem usitatam Ad hoc eciam quod predicti maior et burgenses queruntur quod cum quilibet liber homo racionabilem debet habere summonicionem predictus Cancellarius ad horam prime eos facit summoniri quod sint coram eo ad horam terciam et si non venerint facit eos excommunicare et punire pro voluntate sua Ad quod per dominum regem est concordatum et preceptum quod homines commorantes in uilla Oxonie decetero summoniantur uno die quod compareant ad alium diem et non aliter set alii homines vagabundi summoniantur ad volunfatem ipsius Cancellarii et secundum quod racionabiliter viderit esse faciendum et si necesse fuerit quod inquisiciones fiant pro pace domini regis obseruanda quod homines infra villam commorantes veniant quacumque hora fuerint summoniti [] Ad hoc eciam quod maior et burgenses queruntur quod cum milites liberi homines et alii transeuntes per patriam hospitentur ad domos burgensium de Oxonia et aliquis clericus Uniuersitatis predicte accionem versus tales extraneos mouere voluerit iuste vel iniuste pro contractibus seu conuencionibus forinsecis et extra comtitatum factis predictus Cancellarius ad querelam clerici sequestrare facit equitaturam et hernasium talium extraniorum licet fuerint in seruicio domini regis aut alterius cuiuscumque magnatis et si hospes ille aliquem talem extranium cum domino rege aut alio magnate existentem arrestare et bona sua retinere non audeat vel non possit set ipsum libere abire permittit Cancellarius ipsum hospitem punit ut culpabilem transgressionis predicte Ad quod dominus rex vult et precipit quod transeuntes per villam Oxonie respondeant coram Cancellario de contractibus et transgressionibus factis scolaribus infra villam Oxonie et non de contractibus et transgressionibus forinsecis Ad hoc eciam quod predicti maior et burgenses queruntur quod cum aliquis laicus per clericum fuerit vulneratus ita [quod] de vita desperetur predictus Cancellarius ipsum clericum petit sibi deliberari priusquam veritas de vita vel de morte vulnerati poterit sciri et contradictores excommunicari facit Ad quod dominus rex vult et precipit Cancellario predicte Uniuersitatis firmiter iniungendo quod nullum clericum in prisona detentum pro vulnere aut pro mahemio de prisona deliberat quousque veritatem certam et indubitatam intelligat quod de morte aut de mahemio non desperetur et bene caveat Cancellarius in hoc articulo quod omnibus faciat iustitiam Ad hoc eciam quod predicti maior et burgenses queruntur quod cum predicti Cancellarius et scolares clamant habere taxationem domorum burgensium in quibus clerici inhabitant in ville predicta et taxatio illa fieri debeat de septennio in septennium et per sacramentum magistrorum et burgensium predicti Cancellarius scolares et procuratores sue Uniuersitatis predicte burgenses ipsos iurare faciunt de taxatione illa facienda de quinquennio in quinquennium nec permittunt magistros iurare propter quod taxationes ille non sunt racionabiliter facte sicut de iure esse deberent ad graue dampnum burgensium et etiam ville domini regis et sine warranto ut credunt Ad quod dominus rex vult et firmiter precipit quod taxationes domorum in villa Oxonie fiant de quinquennio in quinquennium prout carta domini regis vult per duos clericos et duos laicos iuratos et si clerici iurent per sacramentum quod fecerunt Uniuersitati laici iurent per sacramentum quod domino regi fecerunt et si clerici nouum faciant iuramentum quod laici hoc faciant et in loco ubi temporibus retroactis facere consueuerunt []