Charter Document - 06052004
| Charter Number: | 06052004 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Agreement, Memorandum |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Memorandum quod die Lune proxima post festum sancti Mathei apostoli anno regni regis Edwardi filii regis Henrici xxvi discordia inter Cancellarium et scolares Oxonie ex una parte et Maiorem et communitatem eiusdem uille ex altera in hunc modum conquieuit uidelicet quod dicti burgenses concedunt quod omnes libertates Uniuersitatis Oxonie hactenus usitatas in omnibus et singulis articulis plenarie obseruabunt et prisones per Cancellarium incarceratos et per balliuos Oxonie a prisonis deliberatos dicti Cancellarii prisone restituent Concesserunt eciam quod Thomas le Mareshall Iohannes de Weston Robertus de Welles Johannes de Oseneye pistor Willelmus de Colbourne et Rogerus de Kington in omnibus tractatibus suis Uniuersitatem Oxonie tangentibus omnino amoueantur et quod Johannes de Coleshulle et Thomas de Hengseye a balliua sua deleantur et amodo in predicta uilla Oxonie in nulla balliua reponantur sine speciali precepto domini regis uel assensu et uoluntate predictorum Cancellarii et Uniuersitatis et quod Nicholaus le Taverner Johannes Punchard Nicholaus Fuatard Johannes de London Walterus seruiens Philippi et Roberti de Wormenhale Petrus le Wode Adam Bernard Nicholaus le Wode Johannes Wayteschaye Thomas le Seler iuxta aulam Maugeri Johannes Buffard Willelmus de Bristoll et Johannes Godeschalke per aliquos predicte uille Oxonie nullo modo receptentur uel manuteneantur in predicta uilla Oxonie Concesserunt eciam tam predicti Maior et burgenses quam Cancellarius et scolares quod nulla singularis persona alterutrius communitatis actionem aliquam prosequatur uersus aliquam per modum felonie pro aliqua transgressione ante diem confectionis presencium facta et si aliquis hoc facere presumpserit per communitatem cuius est nec per aliquem de alterutra communitate consilio uel auxilio nullatenus adiuuetur In cuius rei testimonium presenti scripto ad modum cyrograffi confecto predicti Cancellarius et Uniuersitas et predicti Maior et communitas sigilla utriusque communitatis alternatim apposuerunt Dat Oxonie die et anno supradictis
Source (click image below to view full size)
