Charter Document - 06052002
| Charter Number: | 06052002 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Letter |
| Date: | 1274 |
| Date type: | Assigned |
| Resource Link(s): |
|
Charter:
Viris prouidis et discretis dominis Cancellario et Thesaurario domini regis maior Balliui totaque communitas Burgensium Oxonie salutem cum dileccione sincera Dominacioni vestre significamus quod die Sabbati proxima preterita boriales qui sunt de Uniuersitate Oxonie ex parte una et Hybernienses cum suis complicibus ex parte altera manu armata conflictum fecerunt ita quod quidam mortui quidam male uulnerati et pars Hyberniensium demum depopulata et extra uillam predictam est efugata predictis borialibus in predicta uilla commorantibus manu armata se gerentibus quo dampna grauiora timemus Quapropter discrecioni uestre supplicamus de qua indubitanter confidimus quatinus si placet in casu proposito consilium et ausilium vestrum nobis inpendere velitis ut pax domini Regis in eadem uilla uestro consilio et ausilio mediante illesa possit custodiri Valete
Source (click image below to view full size)
