Charter Document - 06052001
| Charter Number: | 06052001 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Request |
| Date: | 1273 |
| Date type: | Internal, Regnal |
| Resource Link(s): |
|
Charter:
Edwardus dei gracia rex Anglie dominus Hibernie et dux Aquitannie dilectis sibi Cancellario Uniuersitatis Oxonie et omnibus eiusdem Uniuersitatis scolaribus salutem Optantes ex animo pacem nostram in predictis uilla et Uniuersitate sicut in ceteris regni nostri partibus ad nostram et ipsarum tranquillitatem firmiter et inuiolabiliter obseruari uobis mandamus firmiter iniungentes quatinus cum per maliuolorum machinaciones in Uniuersitate predicta dissensiones ad pacis nostre perturbacionem [nuper] suboriri intelleximus quod ibidem nullatenus contingere volumus de eadem Uniuersitate taliter ord[inetis] quod [firma] pax et concordia modis omnibus inter vos habeatur ne per huiusmodi dissensiones indebitas pacem nostram in uilla et Uniuersitate predictis perturbari contingat vel infringi scituri pro certo quod si de huiusmodi machinationibus seu dissensionibus inter uos habitis nobis de cetero constare possit nos de magnatibus et fidelibus nostris tantam et talem ibidem mittemus potestatem ad dictorum machinatorum et pacis nostre perturbatorum insolenciam reprimendam et ad ipsos insequendos capiendos et taliter castigandos quod castigacio illa in casu consimili tam alienigenis quam indigenis ibidem venientibus []tis futuris temporibus ti[morem] prebebit delinquendi Dat per manum W de Mertone Cancellarii nostri apud West xi die Octobris anno regni nostri primo
Source (click image below to view full size)
