Charter Document - 06051062
| Charter Number: | 06051062 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ita conuenit inter Philippum Burgeis ex una parte et Willelmum Russel ex altera uidelicet quod dictus Philippus dedit et concessit et presenti scripto confirmauit dicto Willelmo totum illud tenementum cum omnibus ubique pertinenciis suis in uilla Oxonie in parochia beate Marie quod est prope Kattestrete inter tenementum Iohannis Curci et tenementum Willelmi de Breiles tenendum et habendum eidem Willelmo et heredibus suis uel suis assignatis quicumque fuerint excepto tantummodo loco religionis et Uniuersitate Oxonie totum predictum tenementum cum omnibus ubique pertinenciis suis de predicto Philippo et heredibus suis uel suis assignatis bene et in pace libere et quiete pacifice et integre iure hereditario in perpetuum reddendo inde annuatim dicto Philippo et heredibus suis uel suis assignatis duas marcas argenti ad quatuor terminos anni uidelicet ad Natale domini dimidiam marcam et ad festum beate Marie in Marcio dimidiam marcam et ad Natiuitatem sancti Iohannis Baptiste dimidiam marcam et ad festum sancti Michaelis dimidiam marcam pro omni seruicio secta curie consuetudine et omnimoda exaccione et demanda Et dictus Philippus heredes sui uel sui assignati totum predictum tenementum cum omnibus ubique pertinenciis suis predicto W et heredibus suis uel suis assignatis quicumque fuerint excepto loco religionis et Uniuersitate Oxonie contra omnes gentes per predictum seruicium warantizabunt defendent et aquietabunt in perpetuum Et si forte contingat aliquo tempore in posterum quod redditus trium terminorum simul alicuius anni aretro fuerit ita quod ad ultimum terminum dictorum trium terminorum plene non fuerit solutus tunc bene licebit dicto Philippo et heredibus suis uel suis assignatis totum predictum tenementum cum omnibus ubique pertinenciis suis in manum suam resumere et uoluntatem suam qualitercumque uoluerit inde facere sine aliquo contradicto placito uel impedimento ipsius Willelmi uel heredum suorum uel assingnatorum in perpetuum Et preterea dictus Willelmus et heredes sui uel sui assignati domos in dicto tenemento existentes in coopertura et omnibus aliis sustinebunt ad minus in tam bono statu quo fuerint quando eos primo recepit Et si forte pro defectu sustentacionis depereant uel decedent tunc bene licebit ut predictum est dicto Philippe et heredibus suis uel suis assignatis tenementum predictum resumere et ad opus suum retinere uel uoluntatem suam inde facere sine aliqua contradictione alicuius in perpetuum Pro hac autem donatione concessione et warantizatione dedit dictus Willelmus dicto Philippo sex marcas argenti Et ne predicta ab aliqua partium predictarum in posterum possint infirmari uel contradict partes predicte scriptis presentibus in modum cirographi factis sigilla sua apposuerunt Hiis testibus Ada Feteplace Galfrido de Hengsteseia Roberto le Muner Iohanne Curci Thoma Submuro Nicholao de Kingestune Waltero Aurifabro Galfrido Aurifabro Iacobo Simeon Nicholao Amis Willelmo de Wiritonia Thoma de Elmele et multis aliis
Source (click image below to view full size)
