Charter Document - 06051056

Hec est conuentio facta inter magistrum Thomam le Bek tunc Cancellarium Oxonie et totam Uniuersitatem eiusdem uille ex una parte et Hugonem de Boru et Iohannam uxorem eius ex alia parte uidelicet quod dictus Thomas et dicta Uniuersitas dederunt concesserunt ac tradiderunt ad feodi firmam dictis Hugoni et Iohanne unam dimidiam acram terre cum omnibus suis pertinenciis in suburbio Oxonie in parochia sancte Crucis de Haliwelle et iacet iuxta terram quondam Iohannis Scrapetoht et buctat super uiam regalem in parte australi et super terram rectoris ecclesie predicte parochie in parte aquilonari habend et tenend ad feodi firmam ut dictum est de nobis et successoribus nostris sibi et heredibus suis uel suis assignatis libere quiete bene in pace integre imperpetuum reddendo inde annuatim nobis et successoribus nostris quatuor solidos ad tres anni terminos uidelicet ad festum Omnium Sanctorum sexdecim denarios et ad Purificacionem beate Marie sexdecim denarios et ad Hoxtywysday sexdecim denarios et capitali domino feodi duodecim denarios pro omni seruicio seculari consuetudine et demanda Et si contingat quod dictus redditus infra annum uel in fine anni terminis prefixis non fuerit solutus predicta dimidia acra cum omnibus edificiis super eam edificatis et cum omnibus aliis pertinenciis suis nobis et successoribus nostris plenarie siue contradictione dictorum Hugonis et Iohanne et heredum suorum uel suorum assignatorum reuertatur Predicta etiam Uniuersitas predictam dimidiam acram cum omnibus suis pertinenciis predictis Hugoni et Iohanne et heredibus suis uel suis assignatis per predictum seruicium sicut predictum est contra omnes homines mares et feminas warantizabit acquietabit et defendet Et ut [] hiis testibus Iohanne de Leukenore tunc balliuo de Haliwelle magistro Roberto Maynard Fulcone le Cordiwaner Iohanne Kyg Henrico le Mounere Symone de Wolgaricote Willelmo de Enintone Waltero le Noreys et aliis