Charter Document - 06051050
| Charter Number: | 06051050 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 |
| Date type: | Assigned |
| Resource Link(s): |
|
Charter:
Sciant presentes et futuri quod ego Walterus capellanus natus de Cestretone tunc uicarius de Merstone dedi et concessi et hac presenti carta mea confirmaui Petronille filie Alani clerici de Cestretone pro seruicio suo totum illud messuagium cum pertinenciis quod quondam ab Alicia filia Augustini tenui in parochia sancti Egidii Oxonie iacens inter terram Willelmi le Bere et terram Henrici Crompe tenendum et habendum de me et heredibus meis vel meis assignatis sibi et heredibus suis uel suis assignatis libere et quiete bene et in pace reddendo inde annuatim michi et heredibus meis uel meis assignatis unum par cyrothecarum ad Natale Domini pro omni seruicio et consuetudine et seculari accione michi et heredibus meis uel meis assignatis pertinente saluo redditu duorum solidorum soluendorum Ysabelle relicte Henrici le Blunt ad quatuor principales anni terminos pro omni seruicio Ego uero [] et ab omnibus querelis defendemus Propter uero hanc donacionem et quietam clamacionem dedit michi dicta Petronilla tres marcas argenti in garsum pre manibus Ut igitur [] hiis testibus Roberto capellano tunc vicario sancti Egidii Willelmo le Bere et Alano Dodeling Iohanne Crompe Henrico Crompe Rogero filio Milonis et multis aliis
Source (click image below to view full size)
