Charter Document - 06051034
| Charter Number: | 06051034 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1237 |
| Date type: | Assigned |
| Resource Link(s): |
|
Charter:
Sciant presentes et futuri quod ego Gilebertus Gofaire de Oxonia concessi dimisi et liberaui et uendidi et hac presenti carta confirmaui Reginaldo de Gammages quamdam partem terre mee apud Oxoniam retro tenementum meum ex parte aquilonari et retro tenementum eiusdem Reginaldi ex parte orientali scilicet in parrochia sancte Marie Magdalene extra portam aquilonarem Oxonie que pars terre continet inter partem aquilonarem et partem australem quinque ulnas ferreas et tria quarteria cum pollicibus et inter partem occidentalem et partem orientalem octo ulnas ferreas et tria quarteria cum pollicibus habendam et tenendam predicto R et heredibus suis et suis assignatis libere et quiete et integre pacifice et honorifice cum commodo muri mei sine nocumento mei uel meorum reddendo inde annuatim michi et heredibus meis quasdam albas cyrothecas ad Pascha pro omni seruicio et exaccione et demanda Et ego [] Et pro hac concessione dimissione liberatione uendicione confirmacione warantizacione predictus Reginaldus dedit michi decem solidos sterlingorum et octo denarios in gersumma et unam robam et unum equum Ut igitur [] hiis testibus Simone Balehorn Willelmo Sauser tunc balliuo Andrea de Wolgaricote Roberto Palmer Radulfo Plumbario Waltero Palmerio Thoma Gamel Laurentio Log Willelmo de Mildecumbe et aliis
Source (click image below to view full size)
