Charter Document - 06051029
| Charter Number: | 06051029 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1295 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Johannes de Grendone dedi concessi et hac presenti carta mea confirmaui ac omnino pro me et heredibus meis quietum clamaui communitati pauperum scolarium Uniuersitatis Oxonie qui pro tempore fuerint duos denarios annuos quos habui et tanquam capitalis dominus feodi a domo quam Reginaldus quondam bedellus Uniuersitatis Oxonie defunctus inhabitavit et dictis scolaribus pauperibus in sua ultima uoluntate legauit percipere consueui habendum et tenendum dictos duos denarios annuos dictis scolaribus pauperibus Uniuersitatis antedicte et eorum successoribus de me et heredibus meis in perpetuum cum toto iure et clamio quod michi Iohanni de Grendone uel heredibus meis quibuscumque in dicta domo seu tenemento cum omnibus suis pertinenciis quocumque modo occasione dictorum duorum denariorum accidere potuit seu poterit in futurum Et ego dictus Johannes de Grendone et heredes mei seu assignati dictum redditum annuum duorum denariorum cum omnibus escaetis iuribus et clameis et aliis pertinenciis que michi uel heredibus meis accidere poterunt quocumque modo in futurum ut predictum est pauperibus scolaribus antedictis et eorum successoribus contra omnes mortales warantizabimus acquietabimus et in omnibus tenore presencium defendemus in perpetuum Pro hac autem donacione concessione warantia acquietancia et defensione Cancellarius et procuratores Uniuersitatis antedicte dederunt michi quadraginta solidos argenti pre manibus In cuius [] hiis testibus Thoma de Sowy tunc maiore Oxonie Thoma de Henxeye Radulfo le Mercer tunc balliuis eiusdem Henrico Oweyn Philippe de Ew Iohanne de Culuerd Willelmo de Wodestone tunc seruiente Uniuersitatis Andrea de Piry et multis aliis Datum et actum in uilla Oxonie die dominica proxima post festum sancti Marci Ewangeliste anno regni regis Edwardi xxiii
Source (click image below to view full size)
