Charter Document - 06051028
| Charter Number: | 06051028 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1252 - 1253 |
| Date type: | Assigned |
| Resource Link(s): |
|
Charter:
Sciant presentes et futuri quod ego Malgerus le Uauasur dedi concessi et hac presenti carta mea confirmaui uenerabili patri domino meo Waltero Ebor archiepiscopo Anglie primati totum illud mesuagium cum omnibus pertinenciis suis et edificiis quod est inter terram que fuit aliquando Willelmi Buriays et terram que fuit Willelmi de Rependun in parochia sancti Petri orientalis in Oxonia et quod per mortem Iohannis de Lechebroc auunculi mei ad me iure hereditario pertinebat tenendum et habendum sibi et heredibus suis uel cuicumque seu quibuscumque illud in perpetuum dare uendere assignare uel legare uoluerit libere quiete integre et pacifice reddendo inde annuatim Willelmo de Lucy et heredibus suis duas libras cimini ad Pascha pro omni seruicio exaccione et demanda predictum mesuagium contingentibus qui quidem Willelmus et heredes sui predictum mesuagium cum omnibus pertinenciis suis prefato archiepiscopo et heredibus suis uel assignatis contra omnes homines warantizabunt et per predictum seruicium adquietabunt in perpetuum et defendent Et ut [] et cartam quam dictus Willelmus de Lucy prefato Iohanni auunculo meo de predicto mesuagio fecit predicto domino archiepiscopo liberaui hiis testibus dominis Willelmo archidiacono Ebor Willelmo de Wythendune et Ricardo de Beuille militibus Iohannes de Coleshille Galfridus de Hangsay tunc prepositis Oxonie Waltero de Castell Hamone canonico de Parco capellanis Roberto de Brimertona et Willelmo de Caluerle clericis Falcone de Wakefeud Michaele de Heck Iohanne Flandrensi magistro Colino Henrico de Lascy et aliis
Source (click image below to view full size)
