Charter Document - 06051022
| Charter Number: | 06051022 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 - 1261 |
| Date type: | Assigned |
| Resource Link(s): |
|
Charter:
Sciant presentes et futuri quod ego Johannes Hwistel Oxonie dedi et concessi et hac presenti carta mea confirmaui pro me et heredibus meis Nicholao de Keyngham seruienti Uniuersitatis Oxonie totam illam terram meam cum omnibus pertinenciis suis que est inter terram predicti Nicholai ex parte aquilonari et terram Ade filie Ade de Couentre ex parte australi in Cattestrete in parochia beate Marie Virginis Oxonie habendam et tenendam predicto Nicholao et heredibus suis et suis assignatis uidelicet cuicumque uel quibuscumque illam dare uel uendere legare uel assignare uoluerit siue in sanitate siue in egritudine in religionem uel extra libere quiete integre bene et in pace in perpetuum reddendo inde annuatim capitalibus dominis illius feodi sex denarios argenti ad duos anni terminos uidelicet ad Natale domini tres denarios et ad Natiuitatem sancti Iohannis Baptiste tres denarios et michi et heredibus meis unum par albarum cyrothecarum unius oboli uel unum obolum ad Pascha pro omni seruicio seculari et exaccione et demanda Et ego [] Pro hac autem donacione [] dedit michi predictus Nicholaus pre manibus quatuor marcas sterlingorum in gersomma Et ut [] hiis testibus Ada Feteplace tunc maiore Oxonie Iohanne de Coleshulle Ricardo filio Nicholai tunc balliuis Oxonie Thoma filio Walteri Ada fratre eius Waltero Aurifabro Henrico Inge Galfrido le Mercer Reginaldo tunc seruiente Uniuersitatis Oxonie Ricardo socio suo Henrico de Lincolnia Ada filio Ade de Couentre Symone Scoth Willelmo Ligatore Waltero Illuminatore Reginaldo Illuminatore Galfrido Cierico et aliis
Source (click image below to view full size)
