Charter Document - 06051017
| Charter Number: | 06051017 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 |
| Date type: | Assigned |
| Resource Link(s): |
|
Charter:
Sciant presentes et futuri quod ego Helyas Bradfodt filius Ade Bradfoth concessi dimisi et liberaui Willelmo filio Roberti de Norhamtone quandam terram meam cum superfectu quam habui in uico qui uocatur Cattestrete in parrochia sancte Marie de Oxonia scilicet illam totam que iacet inter terram Laurencii Ligatoris et terram Emme Rideratricis in longitudine et latitudine tenendam et habendam illi et heredibus suis de me et heredibus meis in feodo et hereditate libere quiete plene et integre reddendo inde annuatim michi et heredibus meis ille et heredes sui quatuor solidos pro omni seruicio ad duos terminos in anno scilicet ad Natale domini duos solidos et ad Natiuitatem sancti Iohannis Baptiste duos solidos Et ego Helyas predictus et heredes mei warantizabimus predictam terram predicto Willelmo et heredibus suis contra omnes homines mares et feminas qui poterunt mori et uiuere Et pro hac concessione dimissione et liberatione et warantizatione predictus Willelmus dedit michi in gersuma duas marcas argenti et uxori mee xviii d ad calciamenta Et quia uolui ut omnia predicta sicut prediuisa sunt firma et stabilia permaneant hanc presentem cartam sigilli mei impressione confirmaui His testibus Toraldo Allutario Ailwino Tornatore Waltero Toui Guidone Textore Alexandro Fabro Roberto de Norhamtone et Ricardo filio eius Petro Illuminatore Radulfo Illuminatore Willelmo Illuminatore Toma Scriptore Reginaldo Percamenario Rogero Percamenario
Source (click image below to view full size)
