Charter Document - 06050053
| Charter Number: | 06050053 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Writ |
| Date: | 1319 |
| Date type: | Internal, Regnal |
| Resource Link(s): |
|
Charter:
Edwardus dei gracia rex Anglie dominus Hibernie et dux Aquitanie vicecomiti Oxonie salutem Cum per cartam domini H quondam regis Anglie progenitoris nostri concessum sit Coruesariis et Corduanariis Oxonie [quod habeant] omnes libertates et consuetudines quas habuerunt tempore regis Henrici aui predicti progenitoris nostri et quod habeant gildam suam sicut tunc habuerunt ita quod nullus faciat officium eorum in villa de Oxonia nisi sit de gilda illa prout in dicta carta quam confirmauimus plenius continetur et nos nuper per finem quam Corduanarii et Coruesarii ville predicte fecerunt nobiscum et pro redditu duorum solidorum nobis ad scaccarium nostrum annuatim reddendo concesserimus eis per cartam nostram pro nobis et heredibus nostris quod nullus faciat eorum officium in suburbiis eiusdem ville nisi sit de gilda supradicta et quod nullus cindat in eadem villa Oxonie aut in suburbiis eiusdem corduanum aut corium tannatum conreatum nec nouum opus ad officium predictum pertinens in eisdem villa et suburbiis vendat nisi sit de gilda illa sub forisfactura manuoperis illius ad opus nostrum prout in carta nostra predicta plenius continetur ac iam ex parte Cancellarii et Uniuersitatis Oxonie nobis sit grauiter conquerendo ostensum quod concessio nostra predicta tam in ipsorum Cancellarii et Uniuersitatis ac omnium aliorum ad villam illam veniencium preiudicium quam contra priuilegia eisdem Cancellario et Uniuersitati per nos et progenitores nostros concessa ac contra diuersos processus et concordias inde inter Cancellarium et Uniuersitatem ville predicte et homines eiusdem ville de mestero predicto hactenus habitos cedit manifeste sicut racionabiliter se asserunt posse edocere per quod nobis supplicarunt ut ea que taliter in eorum preiudicium ipsis non vocatis per nos facta fuerunt faciamus modo debito corrigi et emendari et nos cerciorari volentes si concessio nostra predicta in predictorum Cancellarii et Uniuersitatis aut aliorum preiudicium seu contra priuilegia sua aut processus et concordias inde hactenus habitas cedat necne et si sic tunc in quod preiudicium et quorum et contra que priuilegia processus et concordias et qualiter et quomodo assignauerimus dilectos et fideles nostros Willelmum de Bereford Willelmum de Herle et Iohannem de Stonore et duos eorum ad superuidendum et examinandum in presencia predictorum Cancellarii et Uniuersitatis ac predictorum Corduanariorum et Coruesariorum per vos super hoc premuniendorum si interesse voluerint negocium supradictum et ad inquirendum si necesse fuerit per sacramentum proborum et legalium hominum de comitatu Oxonie neutri parti suspectorum per quos rei veritas melius sciri poterit super preiudicio predicto necnon super aliis articulis premissa contingentibus de quibus fore viderint inquirendum plenius veritatem tibi precipimus quod ad certos diem et locum quod iidem W W et I vel duo eorum tibi scire faciant venire facias coram eis vel duobus eorum tot et tales probos et legales homines de balliua tua neutri parti suspectos per quos rei veritas in premissis melius sciri poterit et inquiri Et habeas ibi hoc breue Teste me ipso apud Goseford in Northumbria viii die Augusli anno regni nostri terciodecimo
Source (click image below to view full size)
