Charter Document - 06050049
| Charter Number: | 06050049 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1314 |
| Date type: | Internal, Regnal |
| Resource Link(s): |
|
Charter:
Edwardus dei gracia rex Anglie dominus Hibernie et dux Aquitanie vicecomiti Oxon et omnibus balliuis et fidelibus suis ad quos presentes littere peruenerint salutem Uolentes quod pax nostra in municipio nostro Oxonie ad securitatem et tranquillitatem eiusdem et etiam quod libertates et priuilegia Cancellario et Uniuersitati scolarium Oxonie a nobis concessa firmiter et inuiolabiliter obseruentur vobis precipimus firmiter iniungentes quod Cancellarium magistros et scolares Uniuersitatis predicte manuteneatis protegatis et defendatis non inferentes eis vel inferri permittentes contra libertates et priuilegia predicta iniuriam molestiam dampnum impedimentum seu grauamen Et si quid eis forisfactum fuerit id eis quantum in vobis est sine dilacione faciatis emendari Et prefato Cancellario et magistris Uniuersitatis predicte ad pacem nostram predictam ibidem obseruandam cum ab eis super hoc fueritis requisiti consilium vestrum prebeatis et iuuamen In cuius rei testimonium has litteras nostras fieri fecimus patentes Teste me ipso apud Eboracum tercio die Octobris anno regni nostri octauo Per ipsum regem
Source (click image below to view full size)
