Charter Document - 06050048

Tenore presencium pateat uniuersis quod nos Cancellarius et cetus magistrorum Uniuersitatis Oxonie unanimis ex parte una et religiosi uiri Prior et fratres ordinis predicatorum Oxonie ex altera ob submissionem London nuper factam nonis Nouembris anno domini MCCC tercio decimo sub forma et pena inibi contentis hinc et inde plenius obseruandam cauciones ducentarum librarum sterlingorum in manus religiosorum uirorum Prioris et conuentus sancte Fredeswide Oxonie nomine pene per quamlibet parcium nostrarum exponi expresse consensimus et eciam die beati clementis pape et martiris anno superius annotato exposuimus cum effectu Uolumus igitur et per presentes mutuo nos obligamus quod si contingat quod absit alteram parcium nostrarum secundum formam submissionis predicte ordinacioni dicto laudo arbitracioni seu diffinicioni discretorum uirorum in eadem submissione nominatorum seu maioris partis eorundem ut promisimus non parere alteri parcium nostrarum parenti cum effectu utriusque parcium cauciones antedictas dicti Prior et conuentus sancte Fredeswide uel eiusdem Prioris uices gerens et eiusdem loci conuentus sine difficultate commissas quas eciam eo ipso commissas esse uolumus libere restituant intrepide tradant et liberent indilate absque cuiuscumque contradiccione inpedimento aut reluctacione quacumque forma et modo submissionis prefate dumtaxat in omnibus obseruatis In cuius rei testimonium presenti scripto tripartite in dentato sigilla nostra communia apposuimus una cum sigillo domini Prioris sancte Fredeswide prenotati quod ad euidenciam huius rei pleniorem procurauimus apponi Datum Oxonie viii Kalendas Decembris anno domini superius memorato