Charter Document - 06050030

Edwardus dei gratia rex Anglie dominus Hibernie et dux Aquitannie dilectis et fidelibus suis Iohanni de Luuetot et Roberto de Littlebury salutem Quia datum est nobis intelligi quod balliui burgenses et alii homines de uilla nostra Oxonie diuersas transgressiones iniurias et molestias fecerunt Cancellario et Uniuersitati uille predicte et eorum ministris post ultimum recessum suum a consilio nostro et antea post recessum nostrum ab Anglia contra libertates et priuilegia que habent ex concessione progenitorum nostrorum regum Anglie et nostra et in contemptum mandatorum nostrorum eis directorum ut Cancellarium et Uniuersitatem predictam contra libertates et priuilegia predicta seu consuetudines usitatas et approbatas non molestarent seu grauarent et alia enormia quamplurima eis intulerunt et ad huc inferri non desistunt in eorum dispendium non modicum et grauamen et contra pacem nostram Nos predictis Cancellario Uniuersitati et eorum ministris quatenus de iure fieri poterit subueniri et iusticiam fieri uolentes in hac parte assignauimus uos ad audiendum querelas Cancellarii predicti et omnium aliorum de Uniuersitate predicta se conqueri uolencium de transgressionibus iniuriis et molestiis predictis et ad inquirendum per sacramentum proborum et legalium hominum de comitatu Oxonie non suspectorum si necesse fuerit premissorum ueritatem Et ideo uobis mandamus quod ad certum diem quem ad hoc prouideritis ad predictam uiliam Oxonie accedatis et premissa faciatis in forma predicta Et omnes illos quos de transgressionibus et iniuriis huiusmodi per inquisicionem uel alio modo legitimo culpabiles inueneritis per uicecomitem nostrum Oxonie attachiari faciatis ita quod sint coram nobis et consilio nostro apud Westmonasterium in octabis sancti Iohannis Baptiste ad respondendum nobis de contemptu et dictis conquerentibus de transgressionibus et iniuriis predictis Et nobis ad eundem diem de querelis predictis et premissis omnibus sub sigillis uestris distincte et aperte constare faciatis Et habeatis ibi hoc breue Mandauimus enim uicecomiti nostro predicto quod ad certum diem quem ei scire facietis uenire faciat coram uobis apud Oxoniam tot et tales probos et legales homines de balliua sua non suspectos per quos rei ueritas in premissis melius sciri poterit inquiri et quod omnes illos quos de transgressionibus et iniuriis culpabiles inueneritis quorum nomina ei scire facietis attachiet ita quod eos habeat coram nobis et consilio nostro predicto ad diem predictum ad respondendum nobis et conquerentibus predictis sicut predictum est In cuius rei testimonium has litteras nostras fieri fecimus patentes Teste Edmundo comite Cornubie cognato nostro apud Westmonasterium XVIII die Maii anno regni nostri quintodecimo