Charter Document - 06050021
| Charter Number: | 06050021 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1269 |
| Date type: | Internal, Regnal |
| Resource Link(s): |
|
Charter:
H dei gracia rex Anglie dominus Hibernie et dux Aquitannie maiori et balliuis suis Oxonie salutem Quia cartam nostram per quam ad tranquillitatem et utilitatem tam magistrorum quam scolarium Uniuersitatis Oxonie quam burgensium et aliorum in eadem uilla domos habentium dudum concessimus eidem Uniuersitati quod omnes domos eiusdem municipii Oxonie a scolaribus inhabitate et inhabitande de quinquennio in quinquennium taxarentur secundum arbitrium clericorum et laicorum ad hoc ex utraque parte iuratorum uniuersaliter tam ad utilitatem pauperum et minorum quam diuitum et maiorum uolumus inuiolabiliter obseruari uobis mandamus quod omnes domus municipii predicti tam minores quam maiores cameras et alias quas burgenses uel alii scolaribus locare uoluerint et quas dicti scolares debent conducere et inhabitare sine dilacione taxari faciatis in forma predicta cum ex parte dictorum magistrorum et scolarium inde fueritis requisiti In cuius rei testimonium has litteras nostras fieri fecimus patentes Teste me ipso apud Wyndesores uicesimo septimo die Aprilis anno regni nostri L tercio
Source (click image below to view full size)
