Charter Document - 06050012
| Charter Number: | 06050012 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1256 |
| Date type: | Internal, Regnal |
| Resource Link(s): |
Reference Document for this Embedded Document |
Charter:
Henricus dei gracia rex Anglie dominus Hybernie dux Normannie Aquitannie et comes Andegauie omnibus ad quos presentes littere peruenerint salutem Sciatis quod ad tranquillitatem et utilitatem tam magistrorum et scolarium Uniuersitatis Oxonie quam burgensium et aliorum in eadem uilla domos habentium concessimus eidem Uniuersitati quod decetero omnes domus eiusdem municipii Oxonie a scolaribus inhabitate et inhabitande de quinquennio in quinquennium retaxentur secundum arbitrium taxatorum clericorum et laicorum ex utraque parte iuratorum Et uolumus quod ista retaxatio incipiat a tempore confectionis presencium litterarum In cuius rei testimonium has litteras nostras eidem Uniuersitati fieri fecimus patentes Teste me ipso apud Wodestoke decimo die Februarii anno regni nostri quadragesimo
Source (click image below to view full size)
