Charter Document - 06050009
| Charter Number: | 06050009 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Royal |
| Charter Type(s): | Letters Patent |
| Date: | 1229 |
| Date type: | Internal, Regnal |
| Resource Link(s): |
|
Charter:
H dei gracia rex Anglie dominus Hybernie dux Normannie et Aquitannie comes Andegauie magistris et Uniuersitati scolarium Paris[ius] salutem Tribulationibus et angustiis non modicis quas sub iniqua lege Parisius estis perpessi humiliter compatientes ob reuerentiam dei et sancte ecclesie uobis pie subueniendo statum uestrum cupimus ad debitam reduci libertatem Unde uestre duximus Uniuersitati significandum quod si uobis placeat ad regnum nostrum Angl[ie] uos transferre et in eo causa studii moram facere ciuitates uillas uel burgos quoscumque eligere uolueritis uobis ad hoc assignabimus et omnimoda sicut decet libertate et tranquillitate que deo placere et uobis plene sufficere debeant uos gaudere faciemus In cuius rei testimonium has litteras nostras patentes uobis mittimus Teste me ipso apud Rading xiiii die Iulii anno regni nostri tercio decimo
Source (click image below to view full size)
