Charter Document - 06050006
| Charter Number: | 06050006 |
|---|---|
| Cartulary Title: | Mediaeval Archives of the University of Oxford |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1221 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Honorius episcopus seruus seruorum dei dilectis filiis [] archdiacono Wigorniensi et [] cancellario et decano Oxonie Lincolniensis diocesis salutem et apostolicam benedictionem Ex parte [] abbatis et conuentus de Oseneia fuit nobis humiliter supplicatum ut cum ius percipiendi decimas in diuersis parrochiis ex canonica concessione obtineant ab antique illos qui facti huiusmodi habent noticiam cum ualetudinarii sint et senes ne ueritas occultetur et probationis copia fortuitis casibus subtrahatur recipi ad testimonium faceremus Nos autem discretioni uestre per apostolica scripta mandamus quatinus huiusmodi testes idoneos quos iidem abbas et conuentus uobis duxerint presentandos diligenter examinare curetis et eorum dicta in publica faciatis redigi munimenta denuntiando illis quos huiusmodi causa contingit ut receptioni testium si uelint intersint et super denuntiatione sic facta faciatis confici publicum instrumentum Quod si non omnes hiis exequendis potueritis interesse duo uestrum ea nichilominus exequantur Dat Lateran III Kal Aprilis pontificatus nostri anno quinto
Source (click image below to view full size)
