Charter Document - 06040002

Uniuersis hoc Scriptum visuris uel audituris Ricardus le fitz Herbert filius et heres Ricardi le fitz Herbert de Twycros salutem in domino Nouerit vniuersitas vestra me concessisse remisisse et omnino pro me et heredibus meis quietum clamasse Willelmo de Neutone clerico manenti in Hambury et Mabillie vxori sue et heredibus suis seu assignatis quibuscumque totum jus et clamium que habui vel aliquo modo habere potui in omnibus terris et tenementis que habui in villa et territorio de Hambury cum omnibus suis pertinenciis vna cum omnibus libertatibus commoditatibus proficuis et estoueriis capiendis in foresta de Nedwode que et quas michi accidebant jure hereditario post mortem dicti Ricardi patris mei et que idem Ricardus habuit ex dono et feoffamento Roberti de ferrariis Comitis Derbeye Sicut Carta feoffamenti quam predictis Willelmo et Mabillie de eisdem feci plenius testatur Ita quod nec ego nec heredes mei nec aliquis nomine nostro aliquid juris uel Clamii in predictis terris et tenementis cum omnibus suis pertinenciis nec in nullo de supradictis decetero exigere poterimus vel venditare preter quam vnam Marcam annui redditus quam de predictis terris et tenementis annuatim percipiendis penes me retinui ad duos anni terminos fideliter medietatem ad festum Annunciacionis et aliam medietatem ad festum Sancti Michaelis In cujus Rei testimonium huic presenti Scripto sigillum meum apposui Hiis testibus Domino Radulpho Priore de Repindone Domino Roberto de Touke milite Ricardo de Shultone tunc Senescallo Honoris Tuttesburie Willelmo le Burdeleys tunc Receptore ejusdem Johanne de Miners Randulpho de Rollestone Matheo de Vilers Willelmo Morelle et aliis Datum apud Gresele die Dominica proxima post festum Sancti Martini Episcopi Anno regina Regis Edwardi filii Regis Henrici tricesimo tercio